Ua tino e tasi i laua: Poloma & Aleta Iosefa

O la foliga fiafia a o faagasolo le faamanatuina o lo la aso faapitoa, o le molimau ola lea i le alofa ua matuā afifi ai le mafutaga a lenei ulugalii fou. O le aso 23 o le masina na tea nei, o Mati 2013 na tuufaatasia ai i le fusi o le faaipoipoga le faatoafaiavā, le alii o Poloma Iosefa, ma lana manamea le tamaitai o Aleta Koonwaiyou.
Sa auai mai le toatele o la aiga ma uo, e fia auai ma molimauina lenei aso fiafia mo aiga e lua, le aiga o Iosefa ma le aiga o Koonwaiyoo. O le malumalu o le Ekalesia Metotisi Samoa i Manukau sa faia ai le sauniga o le faapaiaga i le taitaiga a le Afioga i le Sea i le Sinoti a Niu Sila i Matu, Rev Masunu T Utumapu, sosoo ai lava ma le taumafataga tele na tapena i ai aiga e lua, i le hall lava a le ekalesia, lea na faaiu i faaaloaloga e pei ona masani ai aiga  Samoa i aso faapitoa faapenei, auā pelega
o fanau.    O faamanuiaga e tele ma moomooga alofa mai o oulua aiga uma i Niu Sila nei ma atunuu i fafo e mamao, ina ia lua maua se aiga faamanuiaina i le alofa o le Atua.
Tau ina ia aua ne‘i lua faagaloina o lua aiga uma aemaise nai o oulua mātua.