IBO Cruiserweight World Title
Na ta‘ua foi e Cameron e le avea le pa‘ū o pauna i le fusuaga lenei ma auala e faaitiitia ai le malosi o le tu‘ioti e mafai ona faatoilaloina ai le alii o Danny.
Na faaalia foi e le faiaoga a Cameron susuga ia Henry Shuster, ua mae‘a galuega i sauniuniga mo le alii fusu ia Cameron….ua taatia atu nei i le faaaogāina o le mafaufau i le taimi o le fusuaga.
E eseese uma lava alafusu ae ua tapena lava i nei vaega uma ina ia faamalieina a o le tele lava o le mafaufau. O loo maualuga pea le tulaga lē mautinoa ae talitonu a lelei ona faaaogā le mafaufau, o ia foi lena e ono faaeaina mai i lenei faipelega o le fusi.
Tatou tapuaia ia lenei fusuaga ina ia tini le faamoemoe o nei alii fusu i lenei taaloga o faipelega faapolofesa i le fusi o le lalolagi i le paga IBO Cruiserweight World Title, ua atofaina nei i Melbourne mo le Aso Lulu o le vaiaso nei. E mafai ona maimoaina i le Sky i le po o le Aso Lulu i le 9 i le afiafi.
