(SISDAC QLD)
E iloga mauga maualuluga e to’a iai ao ole lagi, aua e ui ina tamavalevale le aufaigaluega faau’uina ale Atua (tulou) e folafola Lana afioga mamana, peitai o avefeau ole talalelei o loo taulogologo upu ole Ola ile soifua o soo se tagata.
Leitioa foi faimai le Tusi Sa,“Auā o loo ola le afioga a le Atua, o loo matua galue foi, o loo sili foi lona maai i pelu uma e faatau maai itu, o loo vaevae foi e oo lava ile vavaeeseina ole loto ma le agaga, o gaugatino foi ma aano o ivi, o loo faamasino foi i manatu ma filifiliga
ole loto (Eperu 4: 12.)
E fa vaiaso na malele ai le laugaina o le upu e ala i sauniga faale-Tusi Paia sa faafoeina e le Susuga ia Pastor Togamau Tuia I le nofoaga i Kingston, orgsniser Faafeagaiga Foa Vaeluga, ae tolu vaiaso o le susuga ia Pastor Faamalologa Fuesaina i Ipswich, ma le organiser o Luao Matai’a (Ekalesia Aso Fitu Samoa
Tutoatasi QLD).
O le toe timataina pea ole upega ma toe faaolaola le galuega tala’i e ala ile laveaina o agaga ma logologo pea ole upu ole Ola aemaise ole feau a Agelu e toatolu ua leva ona valoia e le tusi o Faaaliga. E lua aai sa alagaina ai le feau, sa vaevaeina le Matagaluega i vaega e lua ma laugaina ai le upu folafola e ana auauna ao faamaepaepa le taitai aoao ole Matagaluega, le susuga ia Pr Lagolago Levae.
E momoli le agaga faafetai i auauna sa tapena mo lea foi faafouga aua sa a’e manuia le faatamasoāaliiga e ala i afioga paia ale Atua ma le upu ole Ola. E tolusefulu agaga fou na uiga le vai ole papatisoga faatasi ma nisi sa toe faafou feagaiga ma le Alii Faaola. (Kingston 18, Ipswich 12). E momoli le agaga faamalo ma le faafetai o auauna ale Atua faapea le taitai matagaluega ma le Matagaluega SISDAC a Kuiniselani ile mamalu o Samoa sa auai ma maua avanoa e faafofoga ai i po taitasi.
