Na malaga i Samoa i le po ole Aso Toonai ni sui e toalua a le Matagaluega SISDAC a Kuiniselani e fia aotauina i le aoga faafaifeau nofoaiga o loo faia i Samoa, lea e gaasolo atu ai nisi i atunuu i fafo. E tasi le tausaga o le aoga ma sa tatala le avanoa i toeaiina e ekalesia eseese a le SISDAC i le lalolagi. O le faauuina o le susuga i le Toeaina ia Tagaloa. O le susuga ia Tagaloa David Fanene mai le afioaga o Saleimoa ua malaga atu e avea ma sui o Kuiniselani. O ia sa avea ma faafeagaiga o se tasi o ekalesia peitai na papatisoina ma le faletua ma le nofoaalo ma avea ma tagata lotu a le ekalesia Aso Fitu Samoa Tutoatasi i misiona a le taitai ia Pr Uili Papu mai le 2014.
O le faauuina o le susuga i le Toeaina ia Tagaloa David Fanene sa feagai ma le susuga i le tausi matagaluega ia Pr Lagolago Levae a o lei tuuvaa atu i Samoa. E lē gata i lea ua malaga foi ma le susuga i le toeaina ia Luma o le ekalesia a Kingswood.
