O le faanaunauga lava e auga i ai mātua ma aiga ina ia mafai ona faapaiaina alo ma fanau i luma o le Atua, ma osia se feagaiga e tautino ai le faamaoni o le alofa e pei ona faataunuuina i le Aso Toonai na tea nei. Na faapaiaina i laua i le Ekalesia a Iesu o le Au Paia o Aso e Gata Ai.
O le alii faaipoipo o Miracle, o ona tuaa o Lemuelu Liu mai Saleimoa ma le tina ia Faamanuiaga Liu mai Paia i Savaii. O le tamaitai faaipoipo o Rubina o se alo e faasino ia Bishop Viliamu Tafeamaalii (Solosolo) ma le faletua ia Baby Peterson Tafeamaalii mai Manunu, a o loo galulue i le Uarota a Liahona i Aukilani i Niu Sila.
Sa taitaia lea sauniga paia e le susuga ia Bishop Hannant, faaiu ai i le taumafataga i le faleaiga i Sunnybank, ma sa faatumulia i aiga faapea uo ma le Uarota. O le fofoga o le aso, o le susuga ia ‘Oli‘ula Peterson.
Manuia le aiga fou Miracle & Rubina Liu!
