O le faaiuga o le tausaga lava e 1995, na tauaaoina ai le Diploma in Business i le AUT lava.
O le 2003 na faaiuina ai le taumafai, ma tauaaoina ai le faailoga o le Bachelor of Social Practice i le Matata Eseese a le Unitech.
O loo faapitoa le tomai ma le agavaa o le tofa ia Tunumafono i le tulaga tau faufautua ma fesoasoani mo tagata lautele.
A o iai i totonu o aoaoga mo le sailia o agavaa ma tusipasi ma faailoga, ae sa faavaitaimi lava mo aoaoga faapitoa mo i latou e po le vaai, ona e tāua tele mo lona soifua agai i luma, aemaise ai o le faaaogāina o taleni ma galuega pe a oo ina manaomia.
O le vaiaso fou o le a se‘i silasila ai i le faaauauina o le soifua galue ma galuega o loo feagai nei ma le tofa ia Tunumafono, aemaise o le faaaogāina o lona soifua a o avea ai o se tagata talavou, faatasi ai ma le tulaga lē atoatoa o le malosi o loo iai nei.
Ia manuia tele lenei vaiaso
