“Toe timata le upega”

O sui na auai i le Faafouina i le Aso Tofi na tea nei a SAASIA. Na tufaina ai o latou tusi pasi mo le auai/ Participation Certificates
O sui na auai i le Faafouina i le Aso Tofi na tea nei a SAASIA. Na tufaina ai o latou tusi pasi mo le auai/ Participation Certificates

O le autu o le faafouina a faiaoga Aoga Amata i Ueligitone lena ua tusia i luga, sa saunoa iai le afioga ia Sala Dr. Tilala Tagoilelagi-Leota i le faafouina/PD o faiaoga i le Aso Tofi 16 o Aokuso i le maota o le ekalesia Emanuelu i Waitangirua i Porirua.

Sa taitaia e le Faatina o SAASIA le susuga ia Fereni Ete lenei Faafouina i le tatalo ma faasolo ai loa i le taumafataga o le afiafi, ona o le tele o faiaoga e faasasa’o mai lava i le Faafouina e lei o i o latou aiga.

O le uma ai o le taumafataga, na saunoa ai loa le Taitaifono Aoao i le mataupu, ma o le tali atu a faiaoga i fesili na saunia mai e le Taitaifono Aoao na faatupu manatu lelei ai foi i faiaoga mo la latou galuega mo tamaiti.

(L-R) Tolo Pereira: Pule o Aoga Amata a le SEEDS, Fereni Ete: Faatina o le SAASIA, Aliimuamua Nofo Lalau: Taitaifono o FAGASA Ueligtione, Sala Dr. Tilala Tagoilelata-Leota: Taitaifono Aoao o le SAASIA, Le’autuli’ilagi Taotua Malaeta Sauvao: Taitaifono o le SAASIA Ueligitone, ma Leilua Vevesi Toilolo: Failautusi o le SAASIA Ueligitone
(L-R) Tolo Pereira: Pule o Aoga Amata a le SEEDS, Fereni Ete: Faatina o le SAASIA, Aliimuamua Nofo Lalau: Taitaifono o FAGASA Ueligtione, Sala Dr. Tilala Tagoilelata-Leota: Taitaifono Aoao o le SAASIA, Le’autuli’ilagi Taotua Malaeta Sauvao: Taitaifono o le SAASIA Ueligitone, ma Leilua Vevesi Toilolo: Failautusi o le SAASIA Ueligitone

E iai le agaga maualuga e faaauau pea nei Faafouina, mo le faalauteleina o le silafia o faiaoga, e tusa o la latou anava tau mo tupulaga laiti. Sa faasoa ai foi ni pese fou mo tamaiti mai faiaoga o le SEEDS faapea foi sui mai le Aoga Amata ale EFKS i Newtown.

Na mae’a le saunoaga i le pepa a le Taitaifono Aoao ona tali fuaitau lea o le Taitaifono o SAASIA i Ueligitone: Le’autuli’ilagi T.M.F. Sauvao e fai ma sui o le Faatina ia Fereni Ete ma le lala i Ueligitone e faafetaia le saunoaga ma momoli tulaga masani o le faaalia o le agaga fiafia, i lana teu fugalaau, faasolo/ula ma teuga mo lona ofisa.

Na faapea foi ona toe saunoa faafetai Sala Dr. Tilala Tagoilelagi-Leota mo le talimalo a Ueligitone faapea le faamalo i faiaoga uma na latou auai mo le Faafouina. Na ia fautua foi e faamalolosi ma aua le fefe e fesili i soo se mea i le Ofisa o Aoga aemaise Komiti Faafoe mo ni faafitauli e tulai mai i totonu o a’oga taitasi.