Ua maua i ripoti ole a toe foi Sonny Bill Williams ile NRL ile tausaga nei, 2018.
Fai mai le ripoti ole a taalo SBW mo le ‘au ale Roosters. E matautia tala ua faalogoina fai mai ole mafuaaga ole a toe foi ai SBW ile NRL ina ua faailoa ele All Blacks ia SBW e lē manaomia o ia mo le Ipu ole Lalolagi 2019.
O lona uiga e leai se avanoa o SBW ile All Blacks mo le tausaga fou.
Na fai mai foi le ripoti ole a foi SBW ile mae’a ai ole Super Rugby ole 2018.
O lona uiga ole masina o Iulai ole a faapea ona foi ai SBW e taalo mo le ‘au ale Roosters.
Afai e sa’o lea ripoti, ua lē manaomia SBW e le All Blacks, o lona uiga ole a sui atoa le polokalame ale ‘au auā e na’o SBW na taalo i taaloga 13 ale ‘au i le 2017. O SBW foi le tagata malosi ole midfield ale All Blacks, o ia foi na suia le taaloga faaiu ole Rugby World Cup a NZ ma Ausetalia ile 2015.
E lē o mailoa poo ā tulaga ole konekarate a SBW ma le NZ Rugby pe o iai nisi tulaga ua lē talafeagai, e iai tulaga tau tupe, pe ua sauni foi le alii taalo i nisi ana fusuaga.
