Toe amatalia se Polokalame a Tagata Matutua

Ua toe amatalia se Polokalame a Tagata Matutua e pei ona faataoto i le Aso Tofi tonu o le aso malolo o le ANZAC Day.
O le polokalame mo Tamaitai, e faatautaia e le Peresetene Lesa Chanwhy o ia o le a nafa ma le faia o polokalame i le Brisbane Youth Detention Centre faapea le failautusi ia Uo Brown.
Nisi o Polokalame fesoasoani mo i latou ua aafia i soliga tulafono, faapea le aoaoina o le faitaupi i le gagana Samoa a alo ma fanau nisi o faletua ia Fiti Lawrenson ma Susana Meleisea i lalo o le taitaiga a le Teuoloa, le susuga ia Leota Savelio Tavai.
Na molimauina le agai i luma o tapenaga a lea mafutaga ma le faataotoga o fuafuaga uma o lenei tausaga ua amatalia.
I se ripoti mai le Ofisa o Leoleo, lea ua faamautu ai nei se feagaiga mo le logoina o le Fono Faufautua i ni faafitauli e aafia ai tupulaga Samoa i Logan City atoa ma nuu tuaoi, na matuā fautuaina e Leoleo le Fono Faufautua, ina ia logo alo ma fanau ia nofouta i nisi o le autusitala e tapue ata o ni faamatalaga sese.
I suesuega na maua i meapueata a le Council, na faamaonia ai e le Ofisa o Leoleo le   tufaina e nei tusitala o bandanas i tupulaga talavou ma faatonu e faia ni gaioiga faafoliga o loo fufusu ae ave ai a latou tala sese i nusipena ma luga o televise. O ni itu lē talafeagai tele  pe a manatu atu i lenei tulaga faapea.
O loo ua mataalia nei le mafutaga a le Logan Samoa Advisory Council ma nisi mafutaga o tautua ai tamalii ma failauga e galulue faatasi ma le matagaluega o leoleo e tau fofo le faafitauli auā le tauleleia o tupulaga
talavou a le Pasefika i Brisbane nei.