Toatolu tamaitai Samoa malaga i le au siamupini Black Ferns mo Lonetona

O le au siamupini lakapi Iuni a tamaitai a Niu Sila i le lalolagi, le Black Ferns, na latou tuua Aukilani i le latou malaga mo Lonetona i Egelani i le vaiaso ua mavae atu nei.
E tolu latou taaloga o le taamilosaga i Egelani aofia ai taaloga faitaulia ma se au malosi mai Egelani.
E toatolu ni alo o Samoa o loo auai i le au a le Black Ferns ma auai atu i le taamilosaga.
O tamaitai o Justine Lavea mai Safotu ma Laulii, Fiaoo Faamausili mai Aleisa, Faleula ma Fogapoa, ma Linda Itunuu mai Falelatai ma Vaimea.
Ata ma le tala auina mai Nick Bakulich