O le malae o le kalapu, le Airport Aviation i Magele sa faataunuuina ai taaloga. Ua faamautu foi o le a faaauauaina pea, ma avea o se polokalame faaa‘oa‘oga o le a mautu mo se taimi umi, e pei ona faamaonia mai e le komiti faafoe.
O le taimi nei, ua na o le faguvai ma le pulou e tapena atu e le fanau, ae o loo saunia uma e le komiti le tele o vaega mo a‘oa‘oga, e oo lava i mea faitino e faaaogāina, o loo tapenaina uma lava e le komiti.
O le aso fā o Fepuari ua faamoemoe o le isi lea aso tele mo le polokalame, ona talu ai o le faaiuga o le vaiaso fou, o le a fetaui lelei ma se aso malolo i Aukilani.
