Ua sauni atu nei ni alo tamaitai o Samoa e alaala i Brisbane ua filifilia ma faamanuiaina e fai ma sui o Kuiniselani e auala atu i le Asosi a le Logan CitySlammers.
O lea Asosi o loo iai le fesootaiga ma le Asosi a Samoa o le Volleyball Federation.
O le a tuua e nei tamaitai Brisbane mo Niu Kaletonia i le Aso Tofi o le vaiaso nei, ma o le a feiloai ai ma le tamaitai e toatasi e malaga ane i Niu Sila faatasi ma le auvoli mai Samoa.
O nei tamaitai Samoa o Grace Leo, Adriana Paulo Seufatu, Theresa Malaitai, Taulaga Malaitai ma Tamara Faamoe ma le tamaitai malaga mai Niu Sila o Uputaua Pritchard faapea le alii e suafa ia Uena.
O le Asosi auvoli a le Logan City Slammers o loo taaalo ai nei tamaitai o le a malaga.
O le Peresitene o Leaula Mose Tanielu, Sui Peresitene Taveuni Faamoe, Teutupe Ben Opetaia ma le Failautusi o Orepa Tanielu.
O le a malaga le afioga i le Peresitene ma lona sui faatasi ma tamaitai ma o latou mātua i Niu Kaletonia e sauni ai mo le tatalaina o taamilosaga tele i le aso 29 o Aukuso o le tausaga nei.
