Ua faasolo foi ina tuua aoga a nai fanau, ma ua oo i le taimi o a latou malologa mo le tau mafanafana. Ma e leai lava se isi nofoaga e sili atu ona lelei mo i latou e tafafao i ai, nai lo le Massey Park Aquatic Centre.
Ua faatulaga mai a latou vaitaele mafanafana i fafo (Heated Outdoor Pools) e taeele ma fiafia ai le fanau, ma o afiafi o Aso Faraile, o le taimi o le Wave Rave, lea e tatala ai vaitaele i fafo i le afiafi mai le 7.00 e oo i le 8.30.
E na o le $5 le totogi mo le tamaitiiti (mai le 8-15 tausaga le matutua), e taugofie mamao atu nai lo le tau o le ticket mo le tifaga. E pei lava ona matou muai ta‘ua, e sili atu le aumai iinei o lou alo e faatafao ai, auā e lē gata ina aogā mo lona ola maloloina, ae mautinoa foi le saogalemu mo ia.
Ona o lea foi o le a tapunia aoga mo le malologa umi o le tau mafanafana, o le a faagasolo ai foi ni aoaoga ia matou polokalame moa so malolo. Ua faatulaga foi le tele o nisi polokalame mo le fanau (Kids Holiday Programme), e pei o ten-pin bowling, pool activities, trips to the movies, rock climbing, team sports, talent show, Rainbow’s End, ma le tele o isi mea mananaia o le a faafiafiaina ai le fanau.
E mafai foi e Tina ma Tamā, ona auai i faamalositino e fai i totonu o vaitaele (Aquarobics), auā e fetaui lelei mo soo se tasi, e oo lava ia i latou e lē matuā atoatoa lelei le malosi o le tino, ma i latou foi e lē iloa aau.
O le a aogā e faamalolosi ai maso o le tino, lelei ai le faagasologa o musele ma malosi ai le tātā o le fatu.
E oo foi i tina ma‘itaga e mafai foi ona fai ai a latou faamalositino i taimi o loo ma‘itaga ai.
O le a atili matagofie se isi vaaiga fou o le a suia i ai le Massey Park Aquatic Centre i le tausaga fou, 2013. I ni masina e lē o toe mamao, o le a faagasolo ai galuega e toe faaleleia atili vaitaele ma fale o loo iai, ma isi mea uma o loo faaaogā ai.
O nei mea uma o le a faia ina ia ogatusa ma le fuafuaga a le Pulega a Aukilani, le Auckland Council, o loo faaauau ai pea ona taumafai ina ia toe faaleleia atoa le faagaioiga o auaunaga o loo tuuina atu mo tagata o loo alala i le faaitu lea i Papakura.
E tusa ma le $4.8 miliona ua fuafua o le a faaalu i nei galuega, e aofia ai le toe fai o ni potu fou e sui ai laei i taimi pe a faaaogā vaitaele, se vaitaele fou mo i latou faato‘ā faataitai le aau, se nofoaga fou e faato‘ai atu i ai tagata ma nofonofo ai (new reception and foyer), vaitaele e fai ai a‘oa‘oga ma spa pools, se potu e fai ai le faaafu (steam room and sauna).
O isi vaitaele (lap and leisure pools) o le a ese le mea e faatulaga ai, ma o le a iai foi se ramp e faapipii i le lap pool ina ia faafaigofie le agai atu i ai o i latou e lē atoatoa le malosi o le tino. O le a faapipii foi nisi mea e faaleleia atili ai le ea o loo mānavaina.
O le a iai ni faailoilo (signs) e faasino ai tagata e agai atu e faaaogā vaitaele, i le pito e ulu mai ai i totonu, le reception area, o potu e sui ai laei ma faleui.
Ina ia lesitala mai suafa, telefoni le 298-8526 pe susū mai i le tuatusi 2R Ron Keat Drive, Papakura. www.masseypark aquatics.co.nz. Vaaau le 301 0101, mo nisi faamatalaga atili e uiga i galuega toe faaleleia.
