Teena e le Faamasinoga le talosaga apili a Myron Felise

[et_pb_section fb_built=”1″ _builder_version=”4.3.2″][et_pb_row _builder_version=”4.3.2″][et_pb_column _builder_version=”4.3.2″ type=”4_4″][et_pb_text _builder_version=”4.3.2″ hover_enabled=”0″]

O Myron Felise ma lē ua maliu
O Myron Felise ma lē ua maliu

 

O se tasi lenei o mataupu sa si’ui i ai taualumaga a le Faamasinoga Maualuga i Aukilani i le vaiaso na tea nei, o le mataupu lea na toe apili ai e le alii Samoa ia Myron Robert Alf Felise ma lana Loia le iuga a le faamasinoga lea sa faamaonia ai lona faaoo o le oti i se alii papalagi e igoa ia Eli F. Holtz e 18 tausaga le matua i se auala e lei fuafuaina poo le fasioti tagata pa’ivalea.

O Novema i le tausaga e 2018 na ioeina ai e le alii o Myron Felise lona moliaga ma faasalaina ai i le falepuipui mo le 7 tausaga le umi ma le faamoemoega faatoa faatagaina ona agavaa i lalo o aiaiga a le ofisa o palola pe a mae’a ona tuli le 3 tausaga ma le 6 masina i le falepuipui.

Sa faailoa e le faamasinoga e ui i le tuai o le aso sa faaulu ai lenei talosaga apili e tusa ai o le taimi faatapulaaina mo taloaga apili faapenei, peitai sa taliaina lava e le faamasinoga le faatoai atu o lenei talosaga.

I le talosaga apili a le susuga ia Myron Felise sa taua ai e lana Loia le le fetaui tele ai ma le maualuga o tausaga amata o le faasalaga o Felise lea sa uluai faatūina e le faamasino muamua ia Van Bohemen lea sa faatautaia le faamasinoga muamua o lē o molia.

Na faaalia foi e le Loia o loo a Myron Felise e le’i silasila toto’a le faamasino muamua i le ripoti sa tuuina atu e tusa ai ma le aafia ai o Felise i mafatiaga o le mafaumafau poo le (traumatic stress) a’o lei tulai mai lea faalavelave.

Peitai sa teena ma le taliaina e le Afioga i le alii Faamasino ia Forrie Miller lea sa faatautaia le mataupu, ma ia ta’ua ai, e le’i sese le faaiuga ma tausaga amata o le faasalaga o Felise lea sa faia e le alii faamasino muamua ia Van Bohemen.

Sa mulimulita’i lava le alii faamasino muamua i taiala ae maise o le Tulafono o loo lima taitaina ai ituaiga mataupu ma tagata aafia faapea.

O lenei mataupu sa tulai mai i le masina o Ianuari 2018 i le magafa tonu lava o le auala o Wesley St ma Queen St i le taulaga i Aukilani.

E faapea se faamatalaga a’o tu ai se taavale o loo iai lē ua maliu ma ana uo i moli mūmū o le auala, sa fanaina ai e lē ua maliu Eli Holtz ia Myron Felise i se ituaiga o fanavai meataalo ma lavea ai i se potoi jelly a’o tutū e sauni e kolosi le auala.

O le lē mautonu o Myron faapea ia o se pulufana mo’i ua fanaina ai i latou na ia alu atu ai loa ma tatala le faitotoa o le taavale o loo iai lē ua maliu ma amata loa ona tatui lona ulu ma ona foliga ae mulimuli ane ai maliu ai o ia i le falema’i i Aukilani i le aso lava na sosoo ai.

Na faaalia foi e le faamasino ina ua teena le talosaga apili a le susuga ia Myron Felise, e lē o se taimi muamua ai foi lenei ua molia atu ai le alii o Myron i se ituaiga moliaga lava lenei o le fasioti tagata.

I le tausaga 2008 i le aso 7 o le masina o Iuni sa molia mai ai foi o ia ma nisi e to’a 6, ona o le osofaiga na faia i se fale e faatau ai ‘ava malosi i Manurewa ma maliu ai le tamā e ana le faleoloa o Navtej Singh.

Ua toe nofonofo ai nei la le alii o Myron Felise i le falepuipui mo le faatalitaliina o le taimi e agavaa ai o ia i lalo o aiaiga a le palola e pei ona iai i le iuga muamua o lona faamasinoga i le 2018.

[/et_pb_text][/et_pb_column][/et_pb_row][/et_pb_section]