Tautuaupega faamavaega a Toluono Feti

Ua tautuaupega le faamavaega a le tofa Toluono Feti sa avea ma faipule o le itumalo o Palauli mai le vaegafaaupufai o le Tautua Samoa, ma ua le talia ai e le fofoga fetalai, ona ua maea ona faia lana faaiuga ilea so 29 o Me na faasilasila aloaia le soloia o tofi faipule o sui e toaiva o lea vaega faaupufai fou na faatuina i le tausaga ua mavae.
Faaalia e le fofoga o le fono le tofa Tolofuaivalelei Falemoe Leiataua, i le nusipepa o le Sunday Samoan na oo atu Toluono Feti i lona fale i le amataga o le masina nei, ma faailoa atu lona faamoemoe e faamavae peitai na ia faailoa iai, e leo toe iai se isi avanoa mo se isi tulaga faapea, ona e faaluafesasi ai ma fesiligia lana faaiuga ua maea ona fai.
O le tagi a le Tautua Samoa lea o le a valaau mo le taimi muamua i le aso a taeao i le faamasinoga maualuga, o loo aofia ai ma se su a lea pati e 10 miliona 250,000 tala faasaga ile fofoga fetalai. Peitai ua faailoa se finagalo o Tolofuaivalelei Falemoe ua ia faaalia ai, o le aia tatau saoloto lea a le Tautua Samoa ma soo se tagata e faatoai ai se mataupu i le faamasinoga.