O le pepa telefoni ua faaigoaina o le Choice Samoa, ua faamaonia mai e le toatele o le mamalu o le atunuu sa faaaogāina ma o loo faaaogāina pea, le tulaga lelei ona o le tele o minute ma le umi e mafai ona talanoa ai i aiga i Samoa, mo le na o le $10 tala lona tau.
O loo faatulagaina mo soo se taimi lava e valaau ai mo aiga i Samoa i le telefoni o le fale, e tusa lea ma le 36 minute, se‘i vaganā ai le va o le 6 ma le 7 i le afiafi.
Peitai o loo alumia tele le faaaogāina o lea foi pepa telefoni i le taimi nei, ona o se faapitoa o loo faagasolo mo soo se tasi lava e faatauina ma faaaogāina.
O se tasi o faapitoa i le taimi nei e aofia ai le 45 minute e talanoa ai pe afai ae valaau i Samoa i le va o le 6 ma le 7 i le afiafi i aso uma.
O le isi faapitoa o loo faagasolo, o le faatauina lea o le pepa telefoni ma faailoa le numera o le card poo le pepa telefoni lava lea i le ofisa, ma o le a mafai ai ona tuu le suafa i le se‘i o le a faia, e manumalo ai i se pepa malaga fua i Samoa ma toe foi mai. O le isi lea faatosina ua vaaia ai le taupati ma le lolofi o le atunuu e faaaogā lea foi auaunaga fou.
O le taunuu mai o lenei auaunaga i Aukilani, ua avea o se isi foi faamanuiaga, ma faamāmā avega ai i le toatele o le mamalu o le atunuu, auā lava fesootaiga i taimi vave mo aiga, uo ma paaga o loo faatali mai i le atunuu.
O le taimi nei e fai lava si tele o isi kamupani ua mautinoa o loo alo mai e tauva ma fai ni faiga faatauvaga faapea e ala i le ofoina mai o pepa telefoni, atoa ai ma le faatosina atu o le mamalu o le atunuu e faatauina ia oloa.
Talu ai ua amata ona vevela le agai o kamupani i Samoa, atoa ai foi ma le agai pea i luma o le atinae o le atunuu, ua fai ma auala o le suesue avanoa mai ai o le mau pisinisi faapea mo le maketi i Samoa.
O se tulaga manuia tele lea mo tagata lautele o le atunuu, auā foi e a latou e fai tauvaga, ae maua ai e tagata lautele faamanuiaga e ala i le taugofie ai o ia foi ituaiga oloa ma auaunaga.
O le pepa telefoni o le Choice Samoa, o loo gaosia mai e se kamupani o loo faatautaia mai i Ausetalia, peitai ua mafai ona oo lana tautua i atunuu uma o le Pasefika e aofia ai ma Samoa.
Ua mautinoa lava e lē o toe faigata le toe ofi mai o nisi auaunaga faapea i le maketi mo Samoa lava latou ia, ona o le agai ma le alulau pea i luma o le tulaga tau pisinisi, ma ua avea ai Samoa ma nofoaga ua vaavaai i ai le toatele o atunuu o le lalolagi mo atinae.
E iai foi le talitonuga o auaunaga tau telefoni lava ia, o le a matuā faateleina ma lautele lona faaaogāina mo Samoa.
Manatua afai e mae‘a ona faaaogā lau card o le Choice Samoa, ona toe valaau lea o le numera o loo i tua o le pepa telefoni, ma ta‘u i le ofisa le numera poo le pin number, ina ia mafai ai ona ulufale le suafa i le se‘i faapitoa, e manumalo ai i se pepa malaga i le vaalele, mo Samoa ma toe foi mai.
Mo fesootaiga uma ma le kamupani ma le pepa telefoni a le Choice Samoa, silasila ane i faamaumauga ma telefoni o loo ta‘ua i lalo. O le tamiatai o Stacey McKananagh 0800 447 279.
