(Nisi sa auai i laugatogi a alo ma fanau ma le Paneta o le Ola)
O le faaiuga o se mea, o le amataga foi lea o se isi laasaga fou.
A o faatili foe o lenei foi tausaga ma ua faaiuina ai foi poloakalame masani o le tausaga seia aulia le masina o Fepuari 2013 e toe timata ai le upega ma fotuai ai nisi manatu lelei auā tiute ma faiva masani.
O le afiafi o le Aso Sa na tatalaina ai i se sauniga lotu e le susuga i le faafeagaiga EFKS Brisbane, o le Aao tusitusi foi lea o le Matagaluega EFKS Kuiniselani, le taitai autalavou o le pulega a Sisifo, susuga ia Rev Milo Faaleava.
Na mae‘a ona faagasolo lea o laugatogi a alo ma fanau sa faatautaia e Susana Meleisea.
Sa lagolagoina lenei polokalame e le tofa ia Lealaifola Lui & Leigh Savelino. O le polokalame o le Paneta o le Ola i le laugatogi sa faafoeina e le susuga i le a‘oa‘o ia Terry Filimaea Fauea sa faia foi le laugatogi i lea afiafi.
O lea polokalame sa faatupeina e le Primoz Motors, o se faletaavale ua tele ina fesoasoani mo tagata Samoa i Brisbane.
O le toatele o i latou na mae‘a tuumuli i lea afiafi ona o tuatuagia ae sa lagona le agaga faafetai i le tali mai ma auai e tauaaoina a latou faaailoga ma meaalofa.
