O le soifua o le tagata Samoa, e faamuamua lana auaunaga i le Atua. Tele nisi o ala o le Atua ua agai atu ina faamaeaina a nisi o ekalesia i lenei tausaga.
Ua toe a o se aga ona mae‘a lea o le galuega tele e pei ona tu matila ai le Malumalu tapuai o le Matagaluega SISDAC a Kuiniselani, Aso Fitu Samoa Tutoatasi.
E lei leva ona amataina le galuega ae viia le Atua i Lona Aao taitai o loo solosolo lelei mea uma aemaise o le gapatia, olooloia ma le galulue punouai i lenei galuega tele o le falesa ma le hall.
O le taitai matagaluega a Kuiniselani, o le susuga ia Pr Lagolago & faletua ia Puataunofo Levae, faatasi ma faafeagaiga ia Pr Togamau & Ianeta Tuia, Pr Faamalologa & Tamara Fuesaina, Pr Ioane & Judith Maiava, Cairns, Foa & Merry Vaeluaga faapea le susuga ia Luao & Imo Mataia.
O le konekarate a le H&G Contractors Pty Ltd Builders o loo feagai ma le galuega. Ua faamoemoe o le aso 21 o Tesema o le a faapaia ai le galuega tele ae fuafua lava i le tala o le tau ne‘i timu.
Ua lē maua ni ata o le matagofie o galuega a nisi ekalesia ua lata ina faaiuiu le fausiaina. O le malumalu o le Atua o le Ekalesia AOG palagi le susuga ia Ps Faavae Avia e lē o toe mamao foi ae mae‘a ma tino mai.
O le malumalu foi o le ekalesia Metotisi a Logan City i le Faasinoti, le susuga ia Rev Moloka & Uaine Toleafoa e lē o toe mamao foi ae mae‘a, tasi lea o galuega tele e maeu foi le silasila atu i ai i lona fausaga, aemaise le falesa o le ekalesia Voice of Christ, susuga i le toeaina ia Ps Andrew ma le faletua ia Lagi Schmidt.