Tatalaina aloaia mo le Uluai Taimi i Sini le Tautua ale ‘Kultcha Entertainments’

 Le tumutumu ole lolofi e faalatalata ile Au Pepese

 Le tumutumu ole lolofi e faalatalata ile Au Pepese
Le tumutumu ole lolofi e faalatalata ile Au Pepese

“Afai e mafai e papalagi ona fai, e mafai foi la e tamafanau a Samoa ona fai” (If the palagis can do it so can the Samoans). Ole vaega lea na auga iai le lagona ma le saunoaga ale susuga ia Kalolo ole Sooupu lea ole auaunaga ua faavaeina nei i totonu o Sini Ausetalia, lea na tatala aloaiaina mo le uluai taimi ile po ole Aso Toonai aso 3 Mati 2018.

I lea faatalanoaga ma le susuga ia Kalolo na ia ta’ua ai e faapea, o lenei taumafaiga ose moemitiga ua leva, ona ole vaavaai alofa ile tele ole Taleni ole Musika i lo latou atunuu ma atumotu Pasefika, ae oloo tau saili lava i papalagi ma tau taugata oloo latou aumaia ai i latou, ae oloo tuuina atu na’o nai pinati i nai o tatou tagata, ae ole suamalie atoa oloo latou inumia.

Chrisjes & Tauimalo Vaimoso
Chrisjes & Tauimalo Vaimoso

Na ia ta’ua foi le tele o masina ma aso sa tapenapena ai lenei faamoemoe, ma ole sili ona tāua ona ole leai lava ose isi o latou oloo auga ma Autu iai lea taumafaiga, e iai se manatu faalotolotolua ae na’o le talitonuga maumaututu lava e mafai ona faia. O lea la ua tatalaina ai mo le uluai taimi, ma ua vaai ai i fua faaaliali o ia lagona e moni ma e faamaoni foi.

Pe a fua atu iai ile silia ma le lua afe o tagata na faatumulia ai lenei maota tele, e latou te lagona ai lava le faafetai ile Atua i ana faamanuiaga ma taleni. Aemaise o nai o latou aiga ma uo ona o lea aso ua tini taulau ai o latou faanaunauga ma moemitiga.

Ile faamoemoe ile tatalaina aloaia ai ole Kamupani ma le Auaunaga ua faaigoaina nei ole “Kultcha Entertainments” na o latou aumaia ai le alii pese lauiloa mai Fiti ia Daniel Rae Costello, le faili lauiloa mai Samoa le OZKI Band, le susuga ia Chrisjes & Tuumai Vaimoso mai Kuiniselani, le susuga ia Wyno ma DJ FLE mai Niu Sila, Out of Salem mai Fiti. O i latou ia na avea ma “Valaaulia Faafiafia Faapitoa” (Special Guest Entertainers) ole po. Ae na matuā iloga le matagofie ole po atoa ona ole tomai ole MC le susuga ia Dr TUA Asiata.

Na matuā molimauina lava ma le maofa ele tusitala le matagofie ole po ma lona fuafuaina. E amata mai lava ile taunuu atu ole tumutumu ile malupuipuia o a latou taavale ma meatotino, e agai atu i totonu ole hall ma le lava ole au leoleo mo le malupuipuia ole aufaafiafia ma tagata uma e matuā maoae lava lea vaega faatino.

Ole mataalia foi ole au gasese ile vaaia lea o malo valaaulia faapitoa (invited guests) ua lē gata ile matagofie ole fofoga taumafa, ae ole lē mapu ole molimoliina atu i valaaulia o a latou vai malosi i taimi uma e manaomia ai.

Ose po lava sa vaaia ai e ui ina matuā tumutumu lava e pei ona molimauina i ata na pueina, ae ole leai ose mea e gase pe ose peau foi e lagalaga ile tafafao ma le eva ai ole mamalu lautele o tagata sa auai. Ua lē gata ile tupulaga, ae faapea foi ile fiafia ole au matutua na faatasi atu iai.

Le Faili ale OZKI
Le Faili ale OZKI

Aemaise lava sa matuā filogia lava lea i o tatou uso atumotu ma tagata mai isi atunuu ma faapea foi tagata papa’e o Ausetalia lava ia.

Ose tulaga e lagona ai le agaga faafetai ole sui ole nusipepa, e fia faaleoina ai le agaga faamalo ma le faafetai tele ia i latou uma lava na aafia ai i lenei taumafaiga, i nai aiga ma uo ale “Kultcha Entertainments” ae faapito augafa lava se faamalo ma se faafetai i alo ma fanau a lo tatou atunuu oloo autu iai lenei taumafaiga.

O i latou ia e aofia ai le susuga ile CEO Jonathan Agaimalo aka (DJ Superb) Kalolo (DJ Ktodalow) Loni (Kuki Clothing) ma Fono (DJ Fono). Ole tala lava ale Tusi, “Aua e faia lava e outou o mea sili ma outou manumalo ai lava outou”.

Ae ole upu ale atunuu, “Ua se togi laga tila ma ua faapulou foi ile tualima se ua faamalo le fai ole faiva”. Faafetai tele ona ole amanaiaina mai ole nusipepa ole Samoa Times ina ia auai atu e molimauina lo outou faamoemoe. Faafetai faafetai tele.

Sa iai foi se feau taumolimoli mai le Sooupu ale “Kultcha Entertainment” mo le tautua ale Samoa Times i lea afiafi….“First of all, on behalf of the ‘Kultcha Entertainments’, I thank you and Samoa Times for attending our event, we hope you enjoyed the night and got have something to eat. Thank you for the effort make in representing your newspaper on the night. We are humbled and blessed and your service doesn’t go unnoticed during the night. The night was a success, no fights no dramas and everybody enjoyed and left in peace. God bless.”…..Tuuga Kalolo (spokesperson).

 MC Tua Asiata & Cluthcha Entertainments Crew
MC Tua Asiata & Cluthcha Entertainments Crew