E ui lava ina saosaoa le fetuleni mai o fiafiaga e maileia ai tupulaga i nei vaitaimi, peitai e tapasāina pea ma tapu‘e soifua auauna e ala i Afioga Paia a le Atua. O le Aso Sa, 23 o Oketopa na tatalaina ai la latou CD o pese faaleagaga e faaaogāina ai siufofoga mo viiviiga o le Atua.
O nei lava pese ma viiga sa fatuina lava e le susuga i le faafeagaiga ia Rev Pevise Leo ma le faletua ia Shirley. E toaiva alo ma fanau o lagiina nei viiga matagofie: Sedrick Leo, Temukisa Perelini, Jeremiah Hunkin, Courtney Kuresa, Deborah Perelini, Nellie Nanai, Kristle Leo faapea Momoi Amiga ma Lui Fauolo (Planning Committee) Tagiilima Maufoe (Musical Director). O le susuga i le faafeagaiga ia Rev Pevise o se lupe faalele a Magiagi ma Leauvaa ma le faletua ia Shirley Leo mai Vaimoso ma Falelatai.
Na pueina le CD i le fale puepese o le Hummerman Recording Studio, a le susuga ia Talitua Faraimo. O kamupani sa lagolago malosi i lenei CD, o le Flight Centre Yamato, Rydges Hotels & Resorts, Uncle Sam’s Takeaway, Wkk Supper Supper, Radio Penina o Asuisui Switch-1197am ma le Hummerman Recording Studio.
