O le Aso Toonai 24 o Aukuso na tatalaina aloaia ai le uluai CD a le aufaipese siufofoga mālie a le ekalesia Uniting Church i Goodna. O le susuga i le faafeagaiga ia Rev Siimalevaa ma le faletua ia Faaitaita Manū Sione o loo tausia le ekalesia. O le agaga faafetai ona o le faaaogāina pea o siufofoga logo mālie e ave ai le viiga o le Atua ma faafoi ai pea le faafetai e ala i taleni totofi mai ia te Ia.
O le Taitai pese – Faumuina Fiamatai Levi; Ta laau – Maxine Taufoo Faamanu Levi; Fuataimi – Laloulu Tiliona Moananu.
O le afioga ia Toleafoa Nonumalo mai Sini ua lauiloa foi i le pueina o viiga o le Atua a ekalesia, o ia lea sa faafoeina le pueina o le CD a le Uniting Church a Goodna.
Momoli ai le faamalo i le Goodna Uniting Church mo le latou sao matagofie ae maualuga ai pea le viiga o le Atua.