Tatala le maa faamanatu o le Afioga Galumalemana Savaiinaea Emanuele

O le Ekalesia Katoliko i Onehunga na faataunuuina ai le sauniga o le Misasa Paia o le tatalaina o le maa faamanatu o le tamā ia Galumalemana Savaiinaea Emanuele, i le taeao o le Aso Gafua 23 o Iuni. Na auai uma fanau a le tamā faapea a latou fanau aemaise o aiga, uo ma ē masani i lea sauniga Paia.

O le taitai o le sauniga o le afioga ia Patele Andrew, ae o alo o le tamā ia Galumalemana Savaiinaea ma ona auaiga na latou lagiina pese o le sauniga. O le taitai pese o le tofa ia Toleafoa Joseph Galaumalemana ma o le fofoga foi lea o le aso.

Na mae‘a le sauniga ona fao pasi uma lea o le mamalu o le auvalaaulia ma aiga na auai, ae agai atu i le fanuatanu i Magele mo le tatalaina o le maa o le tamā. E lua pasi na faaaogāina i le felaua‘iga o tagata ae loka uma a latou taavale i le maota o le Afioga ia Patele Andrew i Onehunga.

Na toe faatumulia le fanuatanu i Magele i aiga ma uo na lolofi atu e matamata ma molimau le matagofie o le maa o le tamā ia Galumalemana Savaiinaea na tapenaina e ona alo. O le afioga ia Galumalemana Tai Galumalemana le pule o le G-Mana na ia tolaulauina upu faamanuia o loo tusia i luga o le maa.

Na faamae‘a le polokalame o le aso o le tamā i se taumafataga tele sa faia i le city i le faleaiga o le Langham.

Galumalemana Tai Galumalemana ma ona uso faapea ona alo ma nisi sa auai i le faamoemoeAfioga ia Patele Andrew ma alo o e tama ia Galumalemana Savaiinaea Emanuele