E lē o faatapulaaina e le komiti o tapenaga mo le faailogaina o le limasefulu tausaga o le tutoatasi, le aofai o mafutaga ma ekalesia Samoa i atunuu i fafo o loo aumau ma nonofo ai, e fia auai i sauniga eseese o le tutoatasi o lenei tausaga.
O le faalauiloaina o le ata tusi ua avea ma manulauti o tapenaga na faaalia ai e se tasi o taitaifono o le laulau o taitaifono soofaatasi o le komiti o le iupeli auro o le malo tutoatasi o le atunuu, o alo ma fanau a Samoa o loo tautua i vaegaau ma auaunaga faamiliteri i Niu Sila ma Ausetalia ua faailoa atu lo latou auai.
E silia i le to‘a selau alii ma tamaitai Samoa o loo i totonu o auaunaga faaleoleo ma fitafita i ia atunuu o le a malaga mai.
Ua faailoa mai foi e le komiti ua nofo sauni le fitafita a le Malo o Niu Sila e auina mai ni ona vaatau o le gataifale i le taimi o sauniga o le tutoatasi, lea o le a latou aumai ai ma ni fanafanua tuai ua uma ona toe faafou, mo le matagaluega o leoleo i Samoa.
O le a iai foi nisi o le atunuu o le a amanaia a latou tautua ma auaunaga i le faailogaina o le limasefulu tausaga o le tutoatasi.
