O le susuga ia Shado Fomai Avia e sau mai alalafaga o Falelatai, Saleimoa, Afega ma Vaitoomuli Palauli. Ua savali nei i le 7 tausaga o faaauau pea le taleni a lenei alo o le atunuu ma ua uma ona pueina nei lana CD Volume 7 ua faaigoaina “Matua Ave A‘u i le Aoga.”
O le po o le Aso Toonai nei aso 5 o Oketopa o le a tatalaina aloaia ai lenei CD i le fale faafiafia a Tamalii ma Tamaitai le Fiafia Nite Club i New Lynn. E na o le $15 le ulufale ae o le a faamalieina lau faafofogaaga i lea po.
O le a faafiafia foi nisi o alo pepese o le atunuu i lea po le susuga ia Mautoatasi Asuao, Laei Soia Avauli ma le susuga ia Mr Gago faatasi ai ma le Ailao Naifi.
O se manatu a Shado Fomai Avia ua faafetai i le alofa ma le agalelei o le Atua ona o lenei taleni ua ia foaiina mai ia te ia. E tusi lava e Shado ana ia lava pese ma toe faia lava e ia fatuga o ana pese.
E manao lava Shado e faaauau le taleni mai le Atua auā le tautuaina o si o tatou atunuu pele o Samoa. E momoli atu foi le agaga faafetai i aiga, uo ma ē masani aemaise nai mātua ia Rev Avia & Folototo Misa mo le lagolago ma fautuaga i le agai pea i luma o lana musika.
Talosia i le alofa ma le agalelei o le Atua ae feiloai i lona faamoemoe ua atofaina mo le Aso Toonai nei i le Fiafia Nite Club i New Lynn.