O se tasi lenei o tausaga e mafuli i sauniuniga faatasi ai ma tapenapenaga i le taaloga lenei o le Lakapi.
Ua logologoā tala aave na iai le Manu Samoa i le tausaga 1991 e faasolosolo mai ai lava i le taimi nei, aemaise foi sa lē mapu ai le finafinau foi o tamaitai latou ina ia latou ausia foi lea matatia ausiagata.
Tasi lenei o taaloga o loo maitauina le agavaa tele ai o tamaitai Samoa ua maua avanoa e taaalo ai mo le Au tele a Niu Sila le Black Ferns faatasi ai ma taamilosaga o i totonu lava o Aukilani.
Talitonu o le taimi lelei ma talafeagai lea ua tatou iai e sauniuni ai e faatoilalo atunuu o loo laualuga pea i lenei taaloga i le itupa o tamaitai.
I le tele o tausaga sa lē talanoa ni tagata i le lakapi a tamaitai petai o nei onapo ua pei ua fesuiai le tulaga o mea, ua agai ina faatāuaina le itupa o tamaitai i le tele o taaloga aemaise ai lava ua tele ina faapolofesa le tele o taaloga, ma ua manuia ai le toatele i seleni maua mai konekarate e taaalo ai e lē gata i kalapu ae o atunuu foi i fafo.
I le tulaga o tapenaga mo le siitia ai o Samoa i le taaloga lava lenei i le lumanai o lea ua nofo sauni atu nei i ai le Manusina ina ia finauina sona avanoa e ofi atu ai i le taamilosaga o le Ipu o le lalolagi (Womens Rugby World Cup).
I le faaiuga la o le vaiaso na se‘i mavae atu nei lea sa faataunuuina ai i le nofoaga poo le Kalapu Lakapi a Malisi i Aukilani i Point England, ia Trials e sailia ai ni tamaitai agavaa mo le malaga atu i ia taaloga i Sepania ia Aperila o le tausaga nei.
I se feiloaiga ma le Pulega a le tatou Au le Manusina, ua nofo sauni e tapena lelei se Au mo lea faamoemoe ia Aperila, aemaise le tapue mai o nisi o alo o le atunuu ua lava le silafia ma ua taaalo foi i le maualuga lea ua iai nei le Lakapi a tamaitai i le lalolagi.
E molimauina le tele o le agavaa sa vaaia i le malae i le taimi o Trials ma tamaitai uma sa auai, ma o se vaaiga la lenei i le Au a le Manusina ua filifilia:
O le Pulega o le Au a le Manusina:
Head Coach: Papaliitele Peter Fatialofa
Asst Coach: Euini Lale Faumuina (Forwards)
Asst Coach: Filoi Eneliko (Backs)
Physio: Sharon Choie
Trainer: Mark Tua
Team Manager: Sera Mika
O le afiafi ananafi lea sa amataina ai le toleniga a le Manusina i le kalapu Otahuhu Rugby Club i Otahuhu, i tapenapena ma sauniuniga mo taaloga ina ia ulufale atu Samoa i le Ipu o le Lalolagi i le taaloga o le Lakapi i le itupa o tamaitai.
O le a agai pea i ai tusitusiga a o tapenapena mālie ai le Manusina i ona faiva i lea foi faagatama o le Lakapi a tamaitai.
O Aperila o le tausaga nei lea ua faamoemoe e faataunuuina ai ia taaloga. Tatou tapuaia le alo atu o nei alo o le atunuu ina ia faaiuina ma le manuia lo latou filifilia ina ia saili malo ai mo Samoa.
Lisi lenei o le Au filifilia i le Manusina
Cynthia Apineru (NZ)
Charlotte Rose Arnopp- Scanlan (NZ)
Maryanne Collins (NZ)
Valerie Collins (NZ)
Monique Nellie Hiku (NZ)
Talamoni Rosettastone Faaifo (NZ)
Marine bay Muese Asiata (NZ)
Merenaite Aliitasi Faitala (NZ)
Taalili Iosefo (Samoa) (NZ)
Sally Kaokao (NZ)
Apaula Kerisiano (SAMOA)
Whanda (Makiroa Susan) Leota (NZ)
Roseanne Leaupepe (NZ)
Mele Angeline Leuluaialii (NZ)
Claudia Lupe Lilii (NZ)
Cesca Luafaleao (NZ)
Tracy Lorraine Helleur (NZ)
Taumaia Justine Manaia Iopu (NZ)
Ginia Nifo Muavae (NZ)
Crystal Niutama (NZ)
Soteria Pulumu (SAMOA)
Alaiumu Sao- Taliu (NZ)
Madonna Seifofno Schmidt (NZ)
Anna Shuster (SAMOA)
Cynthia Taala (Capt) (NZ)
Seeseei Hellen Tafa (NZ)
Taimua Taiao (SAMOA)
Kafa Tilialo (NZ)
Barbara Tyrell Tuuga (AUST)
Contessah Wright (NZ)
