O le vasega Aau i le va o Upolu ma Savaii i le tausaga 2016, faatasi ai i le ata lea i le laina i luma le alii o Phillip Ryan (lona lua mai le agavale) ma le tamaitai o Abby Armstrong (lona lua mai le taumatau).

Ua oo i le taimi o le feausiga faaletausaga i le va o Upolu ma Savaii. O le Aso Tofi o le vaiaso nei e fai ai le tuuga lea e amata i Mulifanua i le faletalimalo o le Sheraton ae tini i Salelologa i le faletalimalo o Lusia’s Lagoon & Chalets. O le mamao o le tuuga e 22.3km. O le uluai tuuga o le 2015.

E toafa tagata aau o le a tauva taitoatasi, e toatolu alii ma le tamaitai e toatasi. E iai foi ma le ‘au o le a tauva fesuiai e pei o le tuuga o le fu’a e fepasia’i. 

O le aau e ta’i i le itu i Saute o le alavaa i le va o Mulifanua ma Salelologa. E amata i le vaveao o le Aso Tofi i le faletalimalo i Sheraton ae tini i le faletalimalo o Lusia’s Lagoon & Chalets. Ua amata ona lauiloa lenei tuuga i tagata aau mai atunuu i fafo. O le vaega aau o le 2019 o Kevin Pollman mai St Louis, Minnesota, USA, Jean-Luc Boulanger mai Farani, o Mark Gillon ma Linda Collard mai Niu Sila, ma le au e tasi a tamaitai e o mai Ausetalia. 

O le faalua lenei ona auai le alii o Jean-Luc mai Farani. Na auai i le tausaga na tea nei ae e lei tini. E ono itula na feausi ai ae malolo loa, ona o le sou tele o le vasa. E toalua isi e lei tini i le 2018, o le tamaitai mai Initia, ma le tamaitai mai Houston, Texas. E lē o se taaloga faigofie. O faamaumauga nei o matatia ma tulaga o le tuuga i le Aso Tofi. 

Aau Apolima Strait 

Mamao pe a sa’o, 22.3kms 

Feausiga talu le 2015, 24 tagata aau

Tini, 21

E lei tini, 3 (Did not finish)

O tele tulafono e tausi e le tagata aau ma le ‘au lagolago. E tofu le tagata aau ma le vaa afi, ma le vaa alo i ona autafa. O vaa uma o le tuuga e mai Manono. E tatau ona iai ma se kapeteni o le au aau, e lē o le kapeteni o le vaa lea, a’o se tasi e faasoaina taumafa mama ma vai-inu mo le tagata aau. O le masani e tai 30 minute ma tu le tagata aau e inu ma ‘ai, ae sa ona tago i le vaa poo le vaaalo. E le na’o le tagata aau la e malaga atu i Samoa mo le feausiga ae tofu le tagata aau ma lana aumalaga e fesoasoani i le feausiga. 

Matatia o le Feausiga Upolu i Savaii

Pito Sili ona Saoasaoa, Phillip Ryan, 25 tausaga – NZL (UPSV4) 

Taimi, 5 itula 03 minute 55 sekone

Tausaga, 2016

E lei latalata se tasi i le taimi a Phillip. O le taimi lea na toleni ai oia mo le ‘au Olimipeka a Niu Sila i Rio i le aau 10 km. E tele faigata o lena tausaga na aau a Phillip ona o le tafe o le sami ina ua tei mai le tai. Na uma ai le tuuga i Salelavalu. Sa tau tini le alii mai Aukilani i le 4-itula 30-minute, pe ana lelei le tai. Na aafia uma ai lava tagata aau o le tausaga lea, ma ua sui ai ma le ituaiga tau e fai ai le tuuga. O ia o le tagata aau numera 4 – UPSV4 i le va o Upolu ma Savaii. O tagata uma e tini e tuu iai le numera faapitoa mo ia ma na’o ia lava. 

Tamaitai Saoasaoa, Abby Armstrong, 28 tausaga – NZL (UPSV5)

Taimi, 6-itula 30-minute 9-sekone 

Tausaga, 2016

O le taimi a Abby e lei ausia e se isi tamaitai talu le 2016. O lenei tuuga e toatele atu ai tamaitai aau lelei nai lo alii. A’o le feausiga a Abby na afaina ona o le faigata o lea aso. Na faasuati mai lava ina ua tuua Mulifanua e tini lava o afaina lona manava. O Abby na matua afaina i le sousou o le aso, o le loto lava na aau ai o ia e 27 km ona o tafega. 

Na toe foi i Samoa le tamaitai i le 2017 e feausi ma lona tina o Jo Armstrong ma Gerry Glover (team). 

Samoa Saoasaoa, Sitivi Sooaemalelagi, 16 tausaga – Samoa (UPSV10) 

Taimi, 5-itula 37-minute 24-sekone 

Tausaga, 2017

E manaia tele taumafaiga a Sitivi. E iai le alii talavou i le ‘au aau a Samoa. O le na kapetenia Sitivi o Mailata Iosia Leau mai Aopo. O lē na fesoasoani o Vaimasanuu Zita Martel ma lona tuaa o Steve Brown. Na manumalo Sitivi i le tuuga o le 2017. 

Samoa muamua, Ma’ilata Iosia Leau, 26 tausaga (UPSV1)

Tausaga, 1988

O le feausiga a Mailata na tini i le tumutumu o le Penisula i Tafua ae e lei tini i Salelologa. O lana taimi na tusia e 5 itula mo le 17 km. O Mailata lea na kapetenia le feausiga a Sitivi i le 2017. Na faatonu foi e ia le ‘au aau a Savaii na auai i le tuuga o le 2016. 

Tagata Pito Sili ona Talavou, Noelani Day, 14 tausaga – Tonga (UPSV17)

Taimi, 8-itula 11-minute 12-sekone

Tausaga, 2018 

E matautia faiga a le tamaitai Tonga i lona toa ma le malosi. Na tu tolu Noelani i le tuuga o le 2018. O ia na mua peitai na poloka i le vili i gataifale o Tafua ma tumau ai iina mo le lua itula. Semanu e manumalo Noelani. 

Tagata pito sili ona Matua, Auvasa Jacques de Reuck, 66 tausaga – NZL (UPSV20) 

Taimi, 10-itula 45-minute 00-sekone 

Tausaga, 2018   

E matautia faiga a Auvasa, o le igoa lea ua mana’o le alii matua mai Niu Sila e faaee mo ia, ma o le a faapea foi ona sui lona igoa. E toe foi mai Auvasa i le tausaga nei e kapeteni mo lana uo o Mark Gillon i le tuuga i le Aso Tofi. 

Aau pito sili ona umi, Su Scott, 47 tausaga – NZL (UPSV21) 

Taimi, 11-itula 10-minute 00-sekone 

Tausaga, 2018  

E lē o le taimi ae o le tini. Ae e pei lava foi na manumalo Su i le tuuga tusa pe 4 itula na va ai o ia ma le tagata na muamua. O mafaufauga ia o le tagata aau mamao, o le tini o le siamupini foi lea.

O le ta o le 6 i le vaveao e amata ai le tuuga. E faasolo, e muamua le vaega telegese ae mulimuli le au saoasaoa.