(Interim Injunction Order from the High Court)
A iai se mataupu e tulai mai ua matuia ma afai na iai oe poo lou aiga, poo lau Ekalesia, e mafai ona e talosaga i le High Court e aumai vave se taofiga faaletulafono (INTERIM INJUNCTION) o le mea lea e tupu.
E faatoa iai mulimuli lea i se isi aso, i se faamasinoga tele SUBSTANTIVE HEARING) i le faamasinoga tele, mea uma e agai i le faafitauli.
Manumalo se tina Samoa i lana tama teine i le vaiaso nei ma ua la maua se taofiga (Interim Injunction) mai le High Court a Aukiani, e taofi ai sese i le Tulafono o loo fai i ai e le (neighbour) Papalagi
O se tina Samoa sa sulu mai i se fesoasoani ona ua fai e le papalagi na faatauina le fale lea e sosoo ma le fale o le tina Samoa, se pa e ova i le 6 futu faapea ma se faitotoa (gate) e 6 futu foi le maualuga.
Sa ou tusiina i luga o le tulafono se Tusi tetee a le tina Samoa i le papalagi e tetee e aua le faia le pa, ma faitototoa (gates) i luga o le (common driveway).
O le common driveway, o le auala e i tua o le fale o le aiga papalagi sa fai e le Council i aso ia, ae o i lima o le Council le fale lea e sosoo ma le fale o le tina Samoa.
O le (common driveway) i luga o le tulafono, e ui mai ai taavale ma tagata savavali e asiasi mai i le tina Samoa.
O le fale o le Council ma le fanua lea e ui mai ai le auala (common driveway) lea e ta‘ua, sa faatau e le Council i le ulugalii papalagi.
Omai loa le ulugalii papalagi i le 2010, amata ona faasasa e le fafine papalagi tagata savavali mai e o i le fale o le tina Samoa.
Amata mai iina ona alu le fafine papalagi taofi taavale a tagata e o i le aiga Samoa, ma fai i ai le papalagi e ave latou taavale e faatutu i le auala.
E pito le fale o le Papalagi i le aualatele. Ona sosoo mai lea ma le fale o le tina Samoa.
Sa lē kea le papalagi i la‘u tusi e taofi le faiga o le pa ma le faitotoa i le tulafono. Na fau le pa laupapa ma faitotoa e ova i le 6 futu le maualuga.
E le gata i le fai o faitotoa maualuluga ua pupuni mai ai le auala i le fale o le tina Samoa, ae manao lava le papalagi e tapuni faitotoa ma loka i taimi uma. Ua pei ai le nofo a le tina Samoa o se falepuipui lea e nofo ai.
O le tulafono ia e fiafia ma e saoloto i le faaaogāina o lou fanua ma lou fale. (Right of peaceful enjoyment of your property).
E 12 taimi na valaau ai e lenei papalagi leoleo ma fai i leoleo o ia e fefe i le tina Samoa ma ona aiga.
E faa-12 ona omai leoleo i lenei tina. (O lea o le a ou ave le tagi aloaia a le tina lenei i le Palemene ma le ulu o leoleo i lenei mataupu)
Galuega a Loia sa Fai:
1. Sa ou tusi e taofi le faiga o le pa ma le faitotoa ae lei faia e le papalagi. Sa ou toe faaaogāina le aiā tatau a le tina Samoa i lalo o le Fencing Act. (Sa fai lava le pa ma le faitotoa).
2. Sa ou tusi i ai i le papalagi e omai e soalupule le mataupu i luma o se Mediator. Ae fai mai le papalagi e vaganā ua ou malie atu ma malie atu le tina Samoa e faaaogā le leoleo (police) e fai ma tagata latou te soalaupuleina le mataupu, e le fia omai e faaaogā auala ia sa ou fai atu ai.
3. Na ou ave loa le tagi i le High Court e aumai se (Interim Injunction) e aveese ai faitotoa, ma ave loa le mataupu i fai se faamasinoga tele (Substantive Hearing). O loa le ulugalii papalagi i le kamupani loia sili ona maualuga i Niu Sila, sau le loia e sau i luga. Fai i le faamasino e leai se aiā i le tulafono e talia ai la‘u apalai mo le fafine Samoa.
4. O le Taua a Tavita ma Koliata sa fai i le High Court (David and Goliath) ona e lua loia. Na o a‘u sa tu mo le tina Samoa ma ua malo le tina Samoa.
5. Ua tuu mai nei le avanoa e tusi atu ai loia e lua pe fia se tupe e tatau ona totogi mai i le tina Samoa, ona ua malo le tina Samoa.
6. O loo manino i le faaiuga a le faamasino, a faaauau le faamasinoga tele (substantive hearing), e tele vaega o le tulafono o loo sa‘o ai le tina Samoa. O upu nei faaperetania: “I think , that the plaintiffs have a strong case..” O le plaintiff o le itutagi, le tina Samoa.
