Na faaalia le matuā lē fiafia o le tina ma‘itaga o Janine McKenzie ina ua taofia o ia mai le malaga a le Jet Star i le vaiaso na tea nei. Fai mai e lē faatagaina ona malaga ni tina ma‘itaga i luga o le vaalele ona o le tulafono masani a le kamupani vaalele.
Ua misi ai le polokalame o le aso fanau o sia tina ina ua lē oo ona malaga. Sa lē fiafia Janine ona sa tatau ona vave logo atu se faaaliga faapea a o lei totogia lona pasese ma fai ana fuafuaga.
O se tasi foi tina ia Sara Clear, 33 ona tausaga sa taofia foi i luma o le 150 tagata o le pasese ona e ma‘itō. O le mea e tiga tele ai Sara ona ua leva ona i luma i le laulau e siaki ai le pasese ma fai pepa o ana ato ae lē ta‘u ane e se isi e lē mafai ona alu ona e mamafa (tō), ae ua toe faatulai ese mai o ia ua i luga o lona nofoa i le vaalele ma ua vaavaai uma atu i ai le anoano o pasese.
Fai mai le tala o le tulafono masani lea a lea kamupani vaalele ona e latou te alolofa ma faaeteete i tupu se faalavelave o i luga o le ‘ea, ae leai ni togafitiga talafeagai mo ma‘itaga faapea. O la latou mau, e fia puipui i le soifua saogalemu o pasese faapea.
Ioe e fautua atu i pasese ua mama‘i i ma‘itaga, ina ia siaki faalelei pe mafai ona malaga, a o lei maumauina tupe e totogi ai pasese, aemaise o le toe faatulai ese o oe mai le nofoa o le vaalele o le a alu le faigamalaga. E laki o nai tagata f