Taofi e le Malo siitiaga o tulaga faaleoleo

O nai vaaiaso e lei mamao atu na faia ai le promotion poo se siitiaga o tulaga faaleoleo o ni Malu o le Malo se to‘a tolusefulu ma le tasi ina ua mae‘a ona faia ni suega ma faatino isi tulaga masani e pei o faatalatalanoaga poo interviews, ae ua faia nei se faaiuga a le Malo e taofia lea siitiaga.

 
O le Aso Faraile na tea nei, aso muamua o Novema 2013 na faia ai se feiloaiga e lē masani ai a le afioga i le Palemia susuga Tuilaepa L Sailele Malielegaoi, ma nisi o leoleo sinia ma le au fai taai, ma sa auai ma Komesina lagolago.
O le feiloaiga lea e pei ona faamatala mai e se molimau o se leoleo na faailoa ai e le Palemia le taofia o le siitiaga.

 
“O lana saunoaga e na o le Komesina e iai le malosiaga lea e faia ai ni mea tetele faapea, ae o Komesina lagolago poo assistant police commissioners, e na ona faapalepale ma faatino isi galuega ae lē ni iuga tetele faapea.
O le to‘a tolusefulu na faamanuiaina i le siitiaga lenei ua ausia nisi o tulaga e pei o le taai lua poo le corporal ma faasolo atu i luga e aofia ai ma le tulaga faaleoleo o le superintendent.

 

Toalaiti leoleo na pasi suega mo galuega a Malo Aufaatasi
O le feiloaiga foi lea e pei ona faamatala le molimau ua lē finagalo e faailoa lona suafa, na faasilasila ai e le Palemia le pasi o leoleo e toasefulu i le suega sa sailia ai ni Malu o le Malo e agavaa mo tiute o le puipuiga o le filemu a Malo Aufaatasi le UN Peacekeeping Mission.

 
E to‘a fāsefululua na sue ae na o le pau lea o leoleo na ausia togi e mafai ai ona pasi ma avea ma leoleo o le puipuiga o le filemu a Malo Aufaatasi.

 
Na faaalia e le molimau o se numera laitiiti tele ua pasi ma o se faailoga e ta‘u mai ai e lē o lelei ona aoaoina leoleo mo ia ituaiga o tiute, e pei ona ua foi mai nisi leoleo e toatele sa maua le avanoa lea.

 
O ni faamanuiaga lelei tele tau tupe o loo maua e alii ma tamaitai leoleo mai nei tiute a Malo Aufaatasi ma o le isi lea mafuaaga o le toatele o leoleo o le atunuu e fia maua lea avanoa, aemaise e saga faalautele ai lo latou iloa ma le silafia i le faatinoga o ia foi tiute faaleoleo.

 
O nai vaiaso ua mavae sa talimalo ai le Matagaluega o Leoleo ma Falepuipui i se aumalaga mai le vaega o le puipuiga o le filemu a Malo Aufaatasi, lea sa latou galulue faatasi ai i le sailia o ni leoleo agavaa mo ia galuega, ae e ui ina toatele sa sue i le suega e na o le sefulu lava leoleo ua pasi.
Wesley College Senior Community Nurse Meaalofa Mataia- Leota with Aana No. 1 College students Lepa & Lotofaga College