Tali manao le kalapu a le “Fana Uma” mo se fale o Monike Samoa i Toga

Ua iai se nei se kalapu loto fesoasoani mo le tali manao, ua lē gata ina agalelei atu i Toga ae o loo faasafua lo latou agalelei i nisi fuafuaga fai atu a le Asosi a Tama tuai a Sanele i le latou faamoemoe i le po o le Aso Toonai, ae faapea  foi le Miss Samoa Ausetalia.
O le Peresetene o le “Fana uma” o Muliagatele Junior Chong Nee; o le Failautusi o Tuitumua Amoa, ma le Teutupe o Semau Joe Masalu. O lenei kalapu o le “Fana Uma”, o ni tamalii ma failauga o loo faia se kalapu piliati ma nisi sailiga seleni e lei leva ona tuuina atu se fesoasoani i le manaomia mai Toga, i se fale e faamautu i ai monike o ni tamaitai Samoa se toalua.
Ua ova atu i le $5000 afe tala se seleni ua mae‘a ona lafo atu ae o loo faatino pea a latou sailiga seleni e ala i le latou piliati ma nisi vaega ina ia tau lau o lo latou faamoemoe mo le fausia lea o se fale o Monike Samoa i Toga.
O faufautua o le tofa ia Patea Pesamino Taefu, Malo Nio Mose, Tautaiolefue Paulo ma Nonu Ulutautogia.
Faafetai i nei tamalii ma failauga auā e ui ina taugata le soifuaga ae o loo galulue pea e faia le mea sili mo le manaomia mai o nai Monike Samoa i le motu o Toga.