Honorable Tuilaepa Lupesoliai Sailele Malielegaoi
by Leni Ropati Mamea of Radio Samoa 1593AM
Radio Samoa: Lea ua toe maua so tatou avanoa is a tatou talanoaga masani foi ma le afioga i le alii palemia o lo tatou malo Samoa, le susuga ia Tuilaepa Sailele Lupesoliai Malielegaoi i lenei foi vaega o le afiafi. Faafetai i le Atua ua taitai manū mai lou soifua i lenei afiafi, lau Afioga Tuilaepa. Lau susuga Tuilaepa, o le a se tulaga ua oo i ai le lua fonotaga poo le interview lea sa fuafua i le aso 4 o Novema?
Palemia: Ia ua lē oo mai le alii o Campbell. O lena sa tusi mai ia te au e fia talanoa, ona ou logo atu lea o lea aso 4, lona uiga o le aso lea a taeao. Ae toe tusi mai ua leai se tupe. Ia o le tulaga lena. O ia lea sa manao e sau e talatalanoa mai ia te au, ia lena foi la ua toe logo mai e leai se tupe e sau ai.
Radio Samoa: Pei o lea e māua atu foi i tala faapea e te faimalaga mai i le vaiaso fou i Niu Sila nei. Faamata la e mafai ona e tali i se valaau a John Campbell pe a faapea e te malaga mai?
Palemia: Ou te lē fia talanoa i lea tamaititi. O lea sa talatalanoa mai ia te au, sa aumai lana talosaga. Ou tali atu i ai, ae faatamaititi mai. Sa lele mai a. E iai le isi mataupu sa sau e fai, ia pei la ua manao e tatope atu ai ma au, ae ua uma ona ou logo atua o le aso 4 taeao e fai ai le ma feiloaiga. Sa taumafai foi la e sue au ma manao e tope le ma talanoaga i le isi mea lena e paka ai taavale i le faleaiga.
A ua uma lava ona ou fai i ai, o le tulaga na ou tusi atu ai, ia o le mea a lena e fai, e lē o ni mea faatamaiti. Lena la lea ou alu loa au i le fale, ua toeititi ta le 12 i le valuapo. O le tulaga la lena. O ia sa manao mai, ia ua uma la ona ou tuu atu i ai le avanoa, e leai la se isi avanoa ou te toe tuua i ai.
Radio Samoa: O le tulaga lea e pei e gugulu ai lo tatou atunuu lau afioga i le Palemia, o le aso 27 o Oketopa, o le Aso Tofi, lea sa fuafua e fai ai se lua talanoaga, peitai e lei oo. Ae pei o le mea lea sa alu atu ai John Campbell i le tatou atunuu i Samoa, ua lē maua ai lau susuga.
Palemia: E leai sau i le mea lena. E ese le mea na sau ai. A uma ona ou logo atua, o le aso 4 o Novema. E iai le ituaiga manatu foi lea faatamaititi, manatu faapapalagi, a manao a i le mea, manao a e fai. A o lena ua uma ona ou logo atua i ai. Ituaiga uiga la lena, foi lea sa ou fai a o le aso 4, lena la na alu ae ai, e ese le mea lea na sau ai, ae sa taumafai e tau mai, o le mea lena na sau ai faapitoa.
Na ou logoa lea, e iai le faamatalaga lea na ou maua, e ese le mea na e sau ai. Ma le isi mea sa ou fai atu i ai e aumai ana fesili. Manatua foi na tuu i ai e Misa le lipoti, lena la e tau uma atu a i le lipoti lena le faaluga o tupe ia na aumai.
E na o le 14 miliona foi le tupe a Niu Sila, sa tatau ona talanoa pea i tupe a Niu Sila. E leai se mea e talanoa ai fua i isi tupe, e tai pei o nogatupe a le tatou Malo e aumai mai le faletupe o le lalolagi.
E leai se mea e tatau ai fua ona talanoa. Ona o le faalavelave lea, e lē malamalama i lipoti na sa tuu atu. Ae o lea e tau fesili i mea na faaalu ai, ae o lena a i totonu o le lipoti lena na alu atu ma ia. Lona uiga la, e faigata tele ona ou talanoa i mea o tamaiti faapea e lē malamalama i mataupu ia e sau ai e fesili ia te au. Aemaise o lena na alu atu a ma le lipoti ma faamatala uma atu ai le faaaluga uma o seleni.
Ua uma la ona ou tuu atu i ai le avanoa, e leai la se isi avanoa ou te toe avatua i ai. Ae o le isi lena mea o lena e popole ai, na e molia, ua uma ona faatino e tatou loia na e ina i Niu Sila le moliaga, o le mea lea o le nofo ma faasalalau mai faamatalaga pepelo e faatatau i le atunuu ma faamatagā ai le atunuu. O le mea la lena o lena e fiti ai, e tai pei foi o Barbara. O lena la ua uma ona molia atu e tatou loia na e ina i Aukilani.
Radio Samoa: Se‘i ta o i le taimi lea sa taumafai atu ai John Campbell foi lea e faa interview lau susuga i le po, lea sa fai ai le fonotaga a le au tusitala. Sa toatele foi i latou sa lē fiafia i lau afioga i le Palemia faapea, e fai tele si lē mafaufau foi lea, o se tu foi ma se aga sa faaali i le alii tusitala. Se‘i fai sau saunoaga i le tulaga o le agai atu o Campbell i lea po?
Palemia: Ua uma ona ou logoa i ai. Manatua foi, e lē faia i fafo i ni fale taavale talanoaga a se Palemaia, i se tulaga taualoa. Lena la sa pue mai. Na ou alu atu a ou fai i ai, e le faia le ta talanoaga ii, ua uma ona ou logo atua. Ia ma ou oso loa i lau taavale ou alu.
O le tulaga la lena, auā o le tele a foi o tatou pei ua galo, o lea na talosaga mai le alii lea ia te au, ou tali atu i ai. Aemaise o lea sa ou saini atu i le feau lea na avatu i ai, o le aso 4 ta te feiloai ai. Lea la ua ou saini atu ma tau atu, ia ae sau a.
