O le tele o a tatou taumafaiga nei e fai o loo fai a ma oti i le tulaga lea o le gaosiga o oloa i le tulaga lua, ona e faaofi gata atu iina a tatou oloa ona o le tulaga o le tele o le ma‘i, e faama‘ia.
E tatau a ona puipuia le tele o oloa, ona o aiaiga faitaga a maketi. O le itu la lea na e taua o le falaoamata e gaosi mai le ulu, e fua lelei a le fua o le ulu ma le vaega foi o manioka, na ona togi atu a i totonu ua uma ona fua le tele, gaioi le masini, na o nai sekone ae toulu mai lalo le falaoamata, o le matuā paepaema a o le falaoamata. A tuu i totonu ma isi falaoamata, e matuā lē iloa a le tulaga ese o a tatou falaoamata.
O le itu lea o le suauu lea e kuka ai taumafa mai le avoka, o se itu tāua tele, ona e taugata tele ituaiga o ga‘o kuka ia e maua mai le avoka ma le olive. Ona o aga a suauu nei, a fai ai meaai ona alu atu lea i totonu o le tino o le suauu.
O le isi la lea aogā, na o le lua a suauu kuka ia e kuka ai taumafa, o le olive ma le suauu lea e maua mai le avoka, e mafai ona latou o atu i totonu o itutino o le tagata foi lea e pamu ai le alatoto, e masani la ona faulai ai iinā le ga‘o, lea e faalupe o le part colestrol, ae o le ga‘o la lea alu atu i vaega ia e lua o le olive ma le avoka, o le latou galuega o le aveeseina pei e salu ese ai le ga‘o lea e mafiafia, e mafua ai ona maua le tagata i le toto maualuga ma le stroke.
O le itu tāua la lea o le ga‘o lea o le avoka ma o le auala foi lea ua maua ai foi se avanoa e tagata o loo iai nai a latou laau o le avoka ma totō foi ulu faapea manioka ma maua ai le latou seleni.
E oo mai a la analeila, o la e moomia a le anoano o ni avoka e avatu o loo vili faasoloatoa ai le gao ma tuu fagu. O le itu sa ou ta‘ua o mea e tatau ona fai e le Malo, e na ona amatamea, ona lafo mai loa lea i le private sector, le aufaipisinisi e o loa latou e tauave ma faatu ni masini ma faafaigaluega loa ni tagata e gaosi.
O le mea lea e iai, e leai a se kamupani o sau e talanoa mai i mea ia pe mafai ona latou faaaogā loa. O le taimi nei la, o le ala lea o le fai loa o le iuga, o le a liliu loa le malo e gaosi mea ia e lua, se‘i faatalitonuina le aufaipisinisi ua oo i le taimi ua tatau ai ona alu i le atoa loa a tatou oloa e fai i le tulaga ia, se‘i maua ai nisi galuega faaopoopo i nisi fanau a Samoa, ma avea ai foi ma tulaga e uunaia ai le aufaifaatoaga e matuā totō le manioka.
