Manaia a le mea lea e iai nei i nai alii fomai. A gasegase alu atu e vaai le fomai o loo fai a latou ofisa o pisinisi faafomai, e alu atu a aumai a latou pili, e $20, $30, o mean a e talafeagai ma lo tatou foi siosiomaga, i le tulaga lē faapea e maualuluga ni totogi o tagata. Ua leva la ona faataoto fuafuaga ia, ae lea a e oo mai nei, o loo vevesi ai a loia ma le autusitala, e faagaulemalie.
O lau foi tala ia latou, e 15 tausaga talu ai sa matou feiloai ai ma sui matutua foi o le faalapotopotoga o le autusitala, ona fai lea o le matou tonu, o le a o a latou e faatu se latou komiti e pule e latou i latou lava i se tulaga foi lea, e avatu aumai i le itu o le loto fuatiaifo. Ua leva ua silia ma le sefulu ma ona tupu tausaga o lenei a e leai a se mea ua fai. Lea la faatoa osooso ma faitio le Malo.
Ae ua uma foi ona ou fai i ai, na tuu atu le avanoa e fai ai se itutino e faatonutonu tatau ai i le faautautaga tatau a tou paupau. A o le mea lea e tupu, na ona uma a tou o atu fai a le tou amio e pei ona masani ai, e saoloto a e talepe le tulafono o mea o tusitala amiolelei.
O le itu la lena o lea e talitali nei, e lē mafai a ona taofia le pitolaau a le Malo, ona o le tulaga mo le puipuiga foi o tatou tagata i le soona fai e le vaega lenei e fai a latou pisinisi. O le tali atu lena, e lave lua la le tulafono.
O le tulafono o le faatonutonuina o le amio a le autusitala, ma le tulaga o le faatulaga o totogi o loia, o lea o le a faatulaga atu e le malo ma ia tausisia uma e loia.
Radio Samoa: A o ou iai i Samoa, na ou molimauina se atinae manaia na tapenaina e le Malo i lena vaiaso, e ala lea i le fausia o le falaoamata mai le ulu, ma le fausia o le gao olive mai le fua o le avoka ma le tele o laau o loo maua e le tatou atunuu. I la‘u faalogologo ma la‘u maitau i Samoa i le vaiaso ua tea, o lea foi ua laga mai e le Malo lea tulaga lelei e foliga mai o se tulaga e lei silafia muamua e le tatou atunuu, ae o lea ua amatamea le malo. Sei saunoa lau afioga i le alii Palemia i ni atinae ma le tamaoaiga ma le manuia o Samoa e maua mai i ia foi atinae ua laga mai e le Malo?
Palemia: O le agaga lena na faatu ai le tatou fale suesue faapitoa lea i le 2006. O le silasila latou i taumafaiga e tatau ona fai, e fesoasoani ai ia gaosia i Samoa nisi oloa i le tulaga lua. Lona uiga o le tulaga muamua e mata, ae o le tulaga lua ua gaosi. Lea la manatua o le tele a o tatou oloa e lau atu iina i le tulaga muamua. Lona uiga e pei o le popo, na ona uma a ona tapena ona ave lea i fafo, ia ona avatu lea toe galue i ai kamupani i fafo e faaliliu loa le popo lena na ave i le suauu popo, le tulaga lua. Lea la e taumafai tatou e faatino iinei le tulaga lua.
