E tuu i lalo ae toe faatelē, ma e oo foi i le tulaga o le mea lea e nonofo ai le aumaimoa foi ma matamata o le a faafaasitepu agai i luga le mea e nonofo ai ina ia manino le latou vaai i taimi o taualumaga a le Palemene. Ia ma fai foi ma se faafogafale mo ofisa o le Palemene. Faapea la o taeao o le a faasilasila aloaia mai ai le talosaga lena na ave a le Malo.
O le ala foi la lena ua talosaga ai le fia fai o sina ana lauga i totonu o le Palemene a Samoa, ia lea foi la ua tuu i ai le avanoa.
A uma la lana saunoaga taeao i le ta o le kuata i le 11, ia ona mālōlō ai loa lea o le Fono ma tāpena ai loa mo le faaaloalo a le Malo o le a fai i uta i Vailima i le Maota o le Tusitala. A uma loa lena ona toe taliu atu loa lea o le faigamalaga e agai atu i Vanuatu ma isi atumotu o le Pasefika. Ia o le tala la lena o le a faapisi ai foi matou taeao.
O lea e iinei le vaalele o le malo sa malaga mai ai le tamaitai Kovana, faatasi ma le Ao Mamalu o le Malo i le Aso Lua, ina ua uma ona teu le Tupu Tonga.
Sa iai foi ma le Kovana Sili lea o le malo Ausetalia, ona felelei mai ai lea iinei faatasi, taunuu mai i le ta o le ‘afa o le lima i le afiafi o le Aso Lua, ia ona moe ai lea o le tamaitai iinei, auā o le Kovana Sili o le tamaitai.
