O le tele foi o isi tama ia e o, sa galulue muamua foi i fafo. Auā o le faiga lena, a e alu a poo le tolu tausaga, ia e tolu tausaga uma foi lea e foi mai e toe talitali ai sou avanoa.
O le tulaga la lena o lea o loo iai. Ae tele a mea ua tutupu i aso ua tuanai a o luga a o le ‘ava lea e mafua ai. Maua foi avanoa ae o atu isi soona onanā ai ma faamisamisa i luga o vaa.
Ae lē gata i lena o le mea e taula ai le vaa, ia e pei a o amioga masani a seila, o loa sue le night club e tafafao ai, sosoo ai ma misa e tutupu mai ai.
O le isi foi mea na iu a ina tauaimisa isi foi toalua o tama Samoa ma le Filipaina iinā i Sydney i nai tausaga ua tuanai, ma iu ina oti ai le seila lea mai Filipino ua fasi toalua e le au Samoa.
Ia ona fai ai foi lea o le faamasinoga, valaau i le tatou malo fai ai foi le fesoasoani hire le loia iinā i Sydney e defend laua. Ia uma ifo ona o le lelei o le loia lena na sao ai le toalua lea, ia ae taugata tele.
E iai foi isi ua o foi faamisamisa i totonu o falekalapu loka ai iinā logo mai a‘ui inā i Eleni, ia ona faagaioi lea e le vafealoaloai i luga o le vaifafo, ma toe mafai ona toe tatala tama ma toe omai. Tele a la mea faapea e tutupu i luga o vaa. O lena sa faavae ai la‘u fautuaga ia latou, e tatau ona faautauta lelei le faatinoga o galuega, ia maua seleni e lafo mai e tausi ai aiga.
Radio Samoa: Ou tetali tonu lau afioga i le Palemia, o lea ua mae‘a uma ona e tanoa, saunoa foi i tulaga uma lava o le mataupu o lea ua iai foi i finagalo o le mamalu o le atunuu faapena foi si o tatou atunuu e uiga i le maota lea ua tuu i lalo.
