Ia lea a la alualu a fono le latou faalapotopotoga ma fai ai le iuga, e sa‘o le mea lea ou te fai atu ai, e tatau pea ona fai se itutino auā o le mea mo‘i, ua toilalo latou ua latou lē mafaia. Ia lena la lea na taumafai ai loa e fai se latou a fono faapitoa e lagolagomai ai e taumafai e fai le mea lea e fai atu le malo e fai.
Ia e oo foi i lena mea, ia la foi e fetotoa‘i ai. E oo foi i le faatinoga e tatau ona sao tupe ai e faatino lena fono faapitoa, ia e oo foi i le saogatupe o la foi e fetotoa‘i ai.
O le tulaga sa‘o la lena, ma o le a faagasolo a le fuafuaga a le malo ia e lē mafai ona toe taofia.
O le faiga ia o lea ua agai i ai le malo Niu Sila ma Ausetalia, e tau faatonutonu ai tiute o le autusitala, aemaise a le tulaga, e manatua foi, o le ‘au‘au a o nei mea o le tusiga o tala, e iu ane a ua aafia le toatele o tagata ma aafia ai o latou tulaga foi ia faatamalii, ona o le tele a o tala e fai o tala e faaleaga ai le tagata. Ia a o le tulaga la lena o lea e iai e pei ona aumai le ta fesili.
