O lea la e mulimulitai tatou i mea foi o loo fai iinā i Niu Sila ma Ausetalia, ona e lē o mautinoa i le tulaga sa sau a‘i, e lafo lava i le autusitala e fai le latou fono faapitoa e se Council faapitoa, e latou te discipline o latou sui.
Lona uiga, faatonutonu ma faasa‘osa‘o amioga a le autusitala foi, i le lē lelei ona faatino a latou galuega, e tusa ai o mea o taiala, Codes of Ethics, taiala e limataitaiina ai tusitala. Peitai ane la, ua aliali mai i soo se itu a o le lalolagi, e leai se aogā o lea mea.
E leai a se tusitala e usitaia ma e leai foi ni iuga lelei latou te faia, auā o mea latou te taumafai e taofiofi, e nofo a latou ma toe talepe.
O le ala foi lena ua aga i ai le malo Ausetalia ma le malo o Niu Sila e faatu ia itutino ia e faatonutonu tatauina le latou galuega, lea la ua mulimulitai ia i tatou, ia sa tele a faagaulē malie, aemaise a le Observer.
