O le mafuaaga, ona o oe Mr John Campbell, o lea e te naunau e faasilasila atu le mea moni. Aumai muamua la au fesili ia te au, ona ou galue ai loa lea, e tali tonu atu a i au fesili. Ma o le taimi ta te talanoa ai, e na o le pau a na o fesili, e leai a se isi fesili e toe faaopoopo atu i fesili ia.
O le isi, o taimi uma ta te talanoa ai, o le a tutu ai foi i i ma a tatou foi meapueata, e pue atoa a le ta talanoaga, ona gaosi ai loa lea o DVDs o le a avatu e faasalalau i TV channels a Niu Sila. Ina ia avane si au mataupu e faasalalau, ae avatu foi ma le matou mataupu e faasalalau, ina ia aua ai ne‘i e toe faavaleaina tagata Niu Sila, i au tala pepelo ia na e alu nei fai.
Ia o lau feau la lena na alu ananafi ia John Campbell e talia ai lana talosaga na aumai, faatasi ai ma mea uma lava ia na ou tusi atu ai i le aso ananafi. Ona oo loa lea anapo, ou alu loa lea tatala le fono tele a le autusitala. Ona ou alu loa lea fai lau faaafe, na iai malo sa fai i ai lau faaafe.
O le mea la ua tupu, e ta le valu, ae logo mai au e lau ofisa, o John Campbell lea e tu tu mai fafo.
O lea ei inei, o lea e tu tu mai fafo ma isi tamaitai e toalua o le au tusitala a Samoa. Ai na o atu i tai i le mea lea sa ou tatala ai le latou fono, le au tusitala a le lalolagi, e o atu ua uma ona ou tatalaina ma ou sau loa ii i le isi faaafe a au lea e fai.
i la na manao John Campbell e talanoa ia te au ii, ae alu atu ua ou leai. Sue mai loa a‘u, talanoa i le au tamaitai faavalevalea ia a tatou, omai loa aumai sue mai au. Na logo mai la au i le ta o le valu, o lea ua i fafo John Campbell o lea ua faatali atu ai.
Ona ou logoa lea o lou ofisa, ‘logo i ai ia John Campbell, e sese le taimi, sese le nofoaga lea e sau ai. Ma logo i ai o la ua uma ona avatu lau faatonuga i lona ofisa ua tatau ona ia maua, ua toe text mai i ai, o le ma feiloaiga o le aso 4 o Novema i le Aso Tofi, i le vaiaso fou. Ona alu atu lea o le tali, ‘fai mai si alii o le a faatalitali mai pea’. Ia tuu ai laia peipea e faatalitali mai, ae fai le tatou taumafataga.
O le ta o le 11 anapo, ou te savali mai, o lea a e faatalitali atu a si alii foi o John Campbell. Savali mai loa ma pue lana ata, o mea o togafiti uma a a le au faitala. La ou te savali mai, ae savali mai foi John Campbell, pue mai, ae o la ua ola mai TV, ia tamoe mai ma le tamaitai lena, ma aumai lana mea foi lea, mic. Ia fai mai loa John Campbell, Talofa lau afioga i le alii palemia. Ou fai atu, o ai oe? Fai mai, ‘O a‘u o John Campbell, ou te sau ta te talanoa.
Ou fai atu, ‘se ua lelei se, o lea faatoa ou vaai lelei i ou foliga. Ae vaai oe, ua e maua lau feau na avatu i lou ofisa i Aukilani?’ Ae pepelo mai le palagi, fai mai, ‘na avatu anafea?’ ou fai atu, na avatu analeila. Fai mai lea o le alii, ‘oi, ia a o au lea ua i, na ou sau faapitoa a ta te talanoa.’
Ou fai atu loa, ‘John Campbell, lea faatoa ou iloa nei a e ese le mea na e sau ai. E te lei sau faapitoa ta te talanoa. Ae ese le mea na e sau ai. Ae o lena la ua avatu lau tali i lau talosaga.
Ma o le Aso Tofi o le vaiaso fou i le ta o le 2, e amata ai le ta feiloaiga. Ona fai mai lea o John Campbell, se faamolemole o lea ua ou i. Ou fai atu lea, ioe, a lea ou te talanoa atu ia te oe. Ae o le Aso Tofi o le vaiaso fou, ta te talanoa ai.
Ae fai mai, ‘ae ā lea ua ou i, ae a pe a e talanoa maia? Ou fai atu, vaai, e iai mea na na ou fai atu ia te oe e te faia. Ua iai ni au fesili tusitusia e aumai ia te au? Fai mai le tali a John Campbell, ‘e leai la lau afioga e lē moomia. Ou fai atu, ‘Ou te moomia, ni au fesili e te alu e aumai.
Ina ona tauanau ai lea o au, tauanau ai a. Fai mai loa ma John Campbell, ‘Ia na o le 10 minute foi lena na e aumaia ia te au ta te talanoa ai.’
Ou fai atu loa, ‘ia vaai la lea faatoa ou iloa nei lou popole. Na ou text atu analeila, e na o le 10 minute e avatu ia te oe. Lona uiga e na o le tasi a le mea na e iloa ai e 10 minute, o lau feau lea na avatu, aua o lea na e tau fesili mai nei a, poo anafea na avatu ai lau feau, ae o lena a e te iloa, e 10 minute o le ta talanoaga, e fai i le Aso Tofi o le vaiaso fou, ma o le aso lena e fai ai le ta talanoaga. Ia ona ou alu loa lea i le matou fale anapo.
Ou usu atu loa ananei i le taeao, toe avatu loa le isi au faasalalauga ia John Campbell i lona ofisa, auā faapea o analeila na toe foi atu ai. Ona ou fai atu loa lea ia John Campbell, masalo e te le o malamalama lelei i aiaiga ia na ou avatua.
O lea na e alu atu ma faamatalaga ma faaleaga ai le malo lenei. Ma ou te lē toe avatua se avanoa ia te oe, e te toe oolea ai tagata Niu Sila uma i sau polokalame. Lona uiga la, o le a e faalogo mai le mea lea ou te fai atu ai, ona e sau lea ta te talanoa lelei. O le mafuaaga na ou fai atu ai e aumai ni au fesili, sei ou iloa lelei a, poo gafea tonu mea ia e te lē malamalama ai.
Ae tatau ona ta o e te vaai tino i mea uma a nei, ona o lou talitonuga, o au o le tausi tusi sue tusi. O le matou talitonuga o le matou profession, e mafai ona sese fuainumera, ae lē mafai ona sese mea e te vaai i ai. E mafai ona olegia mai e le malo, o lea na alu tupe e fai ai le auala lea, ae leai se auala o fai.
O le ala lena John Campbell, onosai mai ta te o e vaai uma fale e 862 faatasi ai ma auala uma sa fausia, nei tei ua e faapea, o le mea o le ata a au lea e pue, e leai sau ata o pue. Na o le pau o le mea, afai o le agaga o ia te oe ina ia talanoa i le mea moni, e tasi lava le mea e iloa ai le mea moni, o le ta o faatasi ta te tilotilo i mea na fai.
