E te Silafia?

E tusa ma le 7 miliona tala na faaalu i le fausiaina o le vaa lauiloa o le Titanic, ae 200 miliona tala le tupe na faaalu i le faiga o le ata tifaga e faatatau i le goto o lea vaa.

O le upu colgate i le gagana Sepania, o le faaliliuga lena o le faatonuga “alu e sisi lou ua” sei tulou. O le mafuaaga lena e faigata ai ona fai ni faalauiloaga faapisinisi (advertisement) mo le faatauina o le paste fulunifo o le colgate i atunuu e tautatala i le gagana Sepania.

E tusa o ni suesuega na faia, o tagata e atamamai, e tele atu le zinc ma le copper i o latou laulu.

O manu nei o kangaroo lapopoa a oo ina fepuna, e silia ma le 30 futu le umī o le mamao e mafai ona puna ai se kagalū.

O le paneta lenei o le “lalolagi”, e na o le pau lava lena o le paneta e lē o faaigoaina i se igoa o se atua faapaupau. 

I le atunuu o Hong Kong, afai ua mulilua se tamaloa ma lē faamaoni ai i lana avā, e faataga e le tulafono ona fasioti e lena avā lona toalua, ae ia faaaoga lava e le fafine na o ona lima e lua e fasioti ai le tamaloa.

E le gata ina tusitusi le lanu o fulufulu o le tiger, ae tusitusi foi faapena totonu i le lanu o le pa‘u o lona tino.

Afai e te tausamiina se pepa o pateta falai i aso taitasi, ua tutusa lelei lea ma lou inumia o se lima lita o le ga‘o suavaia fai meaai i le tausaga atoa.

I Falani, o le tausaga sa faatapulaa e mafai ai ona faaipoipo tagata talavou, e 15 mo teine ae 18 mo tama. Ae o le tausaga e 2006 na sii ai i luga le tausaga faatapulaa mo teine, i le 18 tausaga.

O le lanu moana, e iai sona aafiaga mo le faatoafilemu o le mafaufau. E faapogaia e lena lanu le faiai, e faamatuu ese mai homone ia e toafilemu ai lagona ma le mafaufau.

I se faatatauga, e tusa e 10 i le 30% e sili atu ai ona tele le suauu o loo maua i olive uliuli (black olives) nai lo olive lanu meamata (green olives).

O le vaa laupasese lauiloa o le Titanic, o le uluai vaa lena sa faaaogaina le faailoilo o le SOS, lea e valaau ai mo se fesoasoani i taimi o faalavelave faafuasei.