Tafe mai i Samoa faiga pisinisi apa tuna a le Star Kist

Ua tele tausaga o galulue o tatou tagata i le kamupani o le Star Kist i Amerika Samoa. O le tele foi lea o tausaga o naunau lea kamupani e faafaigaluega o tatou tagata mai Samoa auā e faigata ona maua ni tagata Amerika Samoa lava ia e galulue i le kamupani i galuega e pei o le safuina o le i‘a ma isi galuega leipa.

 
Sa masani ona maua mai apa tuna o le wahoo mai Tutuila pe a tufa meaalofa a le kamupani i tagata faigaluega i aso faapitoa. Na pau lea o le taimi e tofo ai i se apa tuna wahoo a le Star Kist auā e lē faataua e faleoloa i Apia lea oloa tau taumafa poo Tutuila foi.
Na o apa tuna o loo gaosi e isi kamupani i fafo o loo tausasami ai le atunuu ae o le wahoo a le Star Kist e fiafia i ai e lē maua seiloga ua malaga i se atunuu mamao e pei o Amerika o loo faatau ai, ona maua lea.

 
E lē o toe iai la sea tulaga pe a oo ina manuia taumafaiga a le Star Kist e faatau mai i Samoa Tutoatasi se tasi o ana apa tuna ua faaigoaina o le Eatwell e gaosia i le aano o le i‘a o le apakoa lea o loo faatau atu mai Apia e kamupani ma vaa fagota i le kamupani i Tutuila. Fai mai le molimau a se alii ofisa sinia o le Star Kist e tutusa lelei lona lelei ma le apa tuna o le wahoo.
O se isi lea o taumafaiga a le kamupani e toe faaaogā ai le malosi o loo faatau atu ai le i‘a i le kamupani mai Samoa aemaise foi o le amanaia ai o tagata Upolu ma Savaii o loo fai mo latou galuega i le kamupani tuuapai‘a i Pago Pago.

 
O le faaaliga oloa a le aufaipisinisi laiti lea na mae‘a i le faaiuga o le vaiaso na tea nei, na faalauiloa ai e le Star Kist lana apa tuna o le Eatwell o le a faatau mai i Samoa.
O se apa na molimauina le fiafia o le toatele e tofo ina ua tatala ma avane masi e tausami ai. O le naunautaiga o le kamupani ia mafai ona tuu i lalo le lafoga o loo faaulufale mai ai le oloa lenei mai Amerika Samoa ona maua lea o se tau lelei mo tagata i Samoa.
O ni pusapa i‘a e lelei tele mo faalavelave e pei o maliu, e fai ma pusaapa  i‘a ae faatuatuanai pusa apa eleni o loo aumai nei i fafo ua tele ina lē lelei ona saunia e kamupani o loo latou aumaia i le atunuu.

 
Ua tele nisi o apa eleni ua taofia e le soifua maloloina ona o le faaletonu, ae talosia ia lelei ona faagasolo le faatauga o le apa tuna o le Eatwell mai Pago Pago ona avea lea ma toomaga lelei e lē gata e saogalemu i le taumafa ae fesoasoani i le faatotogaina o palapala a malo i faalavelave fai o aiga. O ni pusa apa tuna lelei tele mo nai faaoso i aiga i Niu Sila ma Ausetalia.
Se sui o le kamupani tuuapai‘a o le Star Kist mai Amerika Samoa a o ia failoa i le Palemia susuga Tuilaepa L Sailele Malielegaoi ma Minisita o lana kapeneta apai‘a tuna o le a faatau mai i Samoa Le afioga Mautele Thor Peters, o se alii ua iai le poto faapitoa e fasiina ai se povi ma vaevae i ona vaega eseese ma faatau mo le fofoga taumafa. O le tasi lea o vaaiga i le faaaliga o oloa a pisinisi laiti i Samoa ma Amerika Samoa