O se tasi lenei o moemitiga o le toatele ina ia vave vaaia le faaogaina o le suavai e ola ai le taavale-afi, ma e toatele foi tagata atamamai ua latou sailiilia ni auala faatasi ai ma ni metotia e aoga ai le suavai e maua i soo se nofoaga ma soo se atunuu.
O le upu moni o ia moemitiga ma mafaufauga mo’omo’o ina ia tulai mai, sa le mapu ai le tulimatai’a e se tasi o tamalii Samoa na ulua’i ulufale i Niu Sila ina ua faato’a tutoatasi Samoa, i ia vaitaimi sa to’aitiiti lava nai tagata Samoa sa maua le avanoa e malaga mai ai i Niu Sila nei, le gata e aoaoina ai ae faapea foi ona faafaigaluegaina ai.
E tusa ai ma ni faamatalaga i lenei tamalii sa maua le avanoa e galue ai i se kamupani Niu Sila i le fauina lea o afi-taavale ma puleaina ni tagata faigaluega i lea kamupani, na ia faailoa mai e faapea o le avanoa taua lea na atili siisii ai i luga lona silafia ma le iloa i totoga ma afi-taavale, ma o se galuega i ia vaitaimi e seasea e maua ai se tagata Samoa na te faatinoina.
Sa finau lenei tamalii i galuega faainisinia e ui ina sa siosiomia o ia i le toatele o alii papalagi sa galulue i lea galuega ma matafaioi. I lea vaitaimi ae e le’i solomuli ai le finau pea ma finau pea, alu a’i alu a’i tausaga faatuina loa lana lava pisinisi ma amata galue ai loa i New Market, ma o lenei pisinisi o se fale inisinia sa galue ai lava ma lautele ai lava lona iloa i faafitauli tau i afi-taavale. I le taimi nei o lea ua maea saunia ma faamaeaina le tuufatasia o se vaega o totoga e faapipiiina i le afi-taavale e mafai ai ona faaogaina le suavai.
Na taua e Vaea Speedy Wongchiu e matua talafeagai lelei i Samoa taavale ia ua mafai ona faaogaina ai le suavai, ile tulaga taugata ua iai nei le penisini manatu e fetaui lelei le taavale lea ma mafatiaga lea ua oo iai le taugata o le penisini, o le tasi taua o le faaogaina o le suavai e ola ai le taavale ele gata ua sefe ai le penisini ae e le toe suia sooa ai le suauu ma le faamama, ua molimauina e le tatou tusitala lenei faiga fou ua leva ona mo’omo’o iai ao lea la ua tatala atu ai le avanoa e sefe ai le faitau fia ma fia o tupe e faaalu i le taugata o le penisini, o se avanoa lelei foi lenei mo tagata Samoa e tilotilo totoa i le avanoa lelei lenei e faapipiiina ai le faiga fou lea i le afi-taavale ma e mautinoa e tele se vaega tupe faasaoina mai ai i le taugata o le penisini.
Ua tatala foi le avanoa e le susuga ia Vaea Speedy Wongchiu e maimoa ai e te talitonu ai i le taavale ua ola i le vai. Ua mafai foi ona faapipiiina le faiga fou lea i taavale ae e le’i aveina atu i Samoa poo le faatauina foi atoa o le (kit) poo le totoga lea iinei ae faapipii i Samoa e sui o le kamupani a le Wongchiu International (NZ0 Ltd).
O loo maua foi le avanoa e faapipiiina foi mo soo se taavale lava penisini poo Diesel faapea foi fausaga fou ua faaaogaina computers ma afi o vaa….silasila i ata o loo faalauiloa atu ai lenei auala o se moemitiga ua mafai nei ona e vaai tino i ai.
Ua faafaigofie galuega uma i Niu Sila ma Samoa ona oloo galulue faatasi ma nisi o ona uso o loo galulue ma pulea nisi o galuega faainisinia i Samoa.
Ua mafai ona e maua lenei auaunaga a le Wongchiu International Ltd i le telefoni
527-6262.
