Highlanders 28 Hurricanes 31 (Dunedin)
E ta’i fa sikoa t ma a’a fa na ova uma foi. Ae na sili ‘ai a le Hurricanes i le sala e tasi na faaopoopo e Beauden Barrett. Na o le pau lena o le eseesega na oo iai le taaloga, pe a faatusa i ‘ai. Ae e iai le isi eseesega tele e tasi, o lona igoa o Ardie Savea. E matautia le taalo a Ardie i le taaloga. E lua tatao na sikoa e Savea, faaopoopo iai ma le pu’e matautia na taofia ai e Savea Tevita Li le uigi saoasaoa a le Highlanders, ma polo na fao e Savea i totonu o le malae.
E ui i le matautia o le taalo a Savea, ae tuuaia lava le Highlanders i lona faia’ina. Na iai le avanoa tele i minute ma sekone faaiu o le taaloga na tolauapi ai le Highlanders latalata i le laina a le Hurricanes. Na faatolu ona taumafai le ‘au e sue se latou avanoa auala i le lineout ae o le taumafaiga lona fa na mamulu ai loa ma le polo ma maua ai e le Hurricanes ma a’a i fafo ma uma ai ma le taaloga. O se tulaga faigata tele lea ona o le avanoa ua mamulu.
Ua faalua ai nei ona faia’ina le Highlanders i le Hurricanes i le R4 ma le R7 (22-25). E na’o le 3 foi ai na feeseesea’i ai ‘au.
Hurricanes 31 (Ardie Savea 2, TJ Perenara, Ngani Laumape tries, Beauden Barrett 4 cons, pen)
Highlanders 28 (Shannon Frizell, Ash Dixon, Kayne Hammington, James Lentjes tries, Marty Banks 4 cons)
HT: 14-14
Reds 24 Stormers 12 (Suncorp)
O le sala-pepa samasama a le alii kapeteni o Siya Kolisi i le ta tonu o le afa o le taaloga na suia ai le taaloga.
Auā e oo i le ‘afa o tutusa e lei iai se ‘ai ua maua o le taaloga. Ae o le tuli ai i tua o Siya mo le 10 minute, na faigata ai le taaloga mo le Stormers, o le taimi lea na faaaoga ai e le Reds ma maua ai ana sikoa e lua. O le toe foi o le kapeteni i le malae na vave maua ai le latou sikoa, auala ia Kobus van Dyk, ao le lona lua na maua ae ua toeitiiti uma le taimi.
O le tolu ai lea o faia’ina sosoo a le Stormers, o nei faia’ina uma talu na maua i taaloga i le taimi o malaga mai. E toe tasi le taaloga ma le Rebels i le vaiaso nei, ona toe foi ai lea o le ‘au i Aferika i Saute. A’o le Reds, ua fiafia auā na faia’ina i le Rebels i le vaiaso na tea.
Reds 24 (Samu Kerevi, Brandon Paenga-Amosa, Tate McDermott tatao, con B Hegarty 3, pen Hegarty)
Stormers 12 (Kobus van Dyk, Damian de Allende tatao, con Jean-luc Du Plessis)
Crusaders 36 Brumbies 14 (Christchurch)
E lua vaega o le taaloga lea. O le afa muamua na foliga o loo nofo faavauvau pea le Crusaders mai ona puapuaga mai le lua vaiaso talu ai. E uma le afa e na’o le 7 ‘ai o le taaloga na maua e le Brumbies. Ae toe foi loa mai le malologa ua faagalo e le Crusaders faanoanoaga ae amata faaputu ‘ai.
Crusaders 36 (Sevu Reece 2, Will Jordan 2, Jordan Taufua – Tatao; Richie Mo’unga 3 con, Brett Cameron con, pen)
Brumbies 14 (Christian Lealiifano, Tevita Kuridrani – Tatao; Lealiifano 2 con)
HT: 0-7
Blues 32 Waratahs 29 (Eden Park)
E iai le mea aoga a le Waratahs na toe foi ma le ‘au i Sini, o le sikoa lea a Israel Folau ua ausia ai e ia le matati’a o le 59 tatao na faatu e Doug Howlett i totonu o le Super Rugby. Ae o lea ua faatu e Folau le matati’a fou o le 60 sikoa tatao. Na’o le pau lea o le mea aogā na maua e le Waratahs, ae o le taui ma le manuia na nofo uma i le Blues.
Ae silisili ai ma maoa’e le pupula o le taalo a Maa Nonu. E lua tatao na tagolima fesoasoani ai Nonu, ma le tasi na tauave sa’o e ia i le laina ma sikoa ai. E le taumatelia le tu maa o le puipui a Nonu, ma le maai o lana agai i luma ma tipi le laina a le Waratahs e pei o se mea fua.
Blues 32 (Tom Robinson, Caleb Clarke, TJ Faiane, Maa Nonu tatao; Otere Black 2 pens, 3 cons)
Waratahs 29 (Israel Folau, Will Miller, Alex Newsome, Jake Gordon tatao; Bernard Foley pen, 3 cons)
HT: 17-14
Rebels 42 Sunwolves 15 (Melbourne)
O le tolu a Reece Hodge na faavae iai le manumalo a le Rebels, ma le tasi na maua e Quade Cooper. Ae o na tago lima foi ma Quade i isi tatao na sikoa e le ‘au e iai le lona lua a Hodge. A’o le alii fulupeki lava na matua sa’o lana finau ma le tamo’e na vave maua ai le laina.
O le Rebels lea o loo muamua i le Konefernisi a Ausetalia.
Rebels 42 (Reece Hodge 3, Quade Cooper, Will Genia, Bill Meakes tatao; Cooper 6 con)
Sunwolves 15 (Semisi Masirewa 2 tatao; Hayden Parker con, pen)
Bulls 20 Jaguares 22
O isi taaloga na manumalo ai le Sharks i le taaloga ma le Liona 42-5. Ae ta’u e le Jaguares le sese o le Bulls i Pretoria 22-20.
‘Au e valu muamua i le taimi nei
Crusaders 29 pts
Rebels 23
Hurricanes 23
Sharks 21
Blues 19
Bulls 18
Lions 18
Waratahs 16
Taaloga o le vaiaso 9
Crusaders vs Highlanders, Christchurch
Rebels vs Stormers, Melbourne
Chiefs vs Blues, Hamilton
Brumbies vs Lions, Canberra
Sharks vs Jaguares, Durban
Bulls vs Reds
Hurricanes Bye
