I le tatalaina o taaloga a le taamilosaga a le Samoa United i lenei tausaga na vaaia ai le tulaga lagolagoina e kalapu o loo faaauauina pea taaloga o le tausaga nei.
Na maua se faatalanoaga ma le Peresitene ia Fepuleai Maiava Faavae ma ia faasoa ai e faapea sa iai tuutuuga e malolo taaloga i lenei tausaga ina ia amataina ai galuega o le fausiaina lea o faletaalo i le malae ma faagasolo le teuina lea mo galuega faaleleia i fale mautu.
Mo le silafia e le atunuu o nei malae taalo e pei ona saunoa le Peresitene ia Fepuleai Maiava Faavae ua mae‘a nei ona matuu mai i le Iuni Lakapi a le Samoa United mo le faaaogāina.
O se nofoaga e mataina foi le matagofie e lumafale i le sami ma o loo tuaoi ma le nofoaga ua fausia ai nei Maota o le Konesula o Samoa faatasi ai ma le Komesina o Fefaatauaiga i Niu Sila.
Molimauina foi e tatou tala i taaloga le matagofie tele o lenei nofoaga pe a mae‘a nei galuega o loo fuafuaina e amata fausia ai faletaalo i se taimi lata mai. Na saunoa Fepuleai, o se faalapotopotoga muamua lea a Samoa i Niu Sila tau taaloga ua matuu i ai ni malae e faaaogāina ma pulea e latou lava.
E lē gata i lea ae ua faapena foi ona tuuina mai se vaega seleni e silia ma le ‘afa miliona e fesoasoani ai i le tau atinaeina lea o le malae i se tulaga mataina. Ua alo atu nei foi la le Iuni mo ana taaloga faagasolo i le vaiaso lona lua i le vaiaso nei.
O se vaaiga lenei i taaloga i le faaiuga o le vaiaso talu ai, faatasi ai ma taaloga o le vaiaso nei:
Faaiuga taaloga Samoa United
Aso Toonai, 25 Aukuso 2012
Central Lions 20 manumalo ia Safotu 12
Taaloga o le Talita (Shield Game)
Nofoalii Salevao 25 manumalo ia Samatau 22
Faasologa taaloga Aso Toonai, aso 1 Setema 2012:
Taaloga mo le Aso Toonai: 1st September 2012
12.30pm: Samatau vs Apolima Manulele Tautala
Taaloga o le Talita (Shield Game)
2.15pm: Nofoalii Salevao vs Safotu
Bye: Central Lions
