E taitasi i tausaga uma ma faamanatu lenei foi vaega tāua o le sauniga i totonu o le Ekalesia Katoliko e pei ona masani ai.
E eseese masina e faia ai sulufaga a isi Palisi, peitai o le Palisi a Woodridge lea sa faia i le Aso Sa, 25 o Novema.
O le taulaga paia o le Misasa sa taitaia lava e le Afioga ia Patele Epati Tamati.
Sa auai le toatele o le valaaulia mai isi Ekalesia Katoliko mai isi Palisi aemaise le Ekalesia Katoliko a Marsden sa feagai ma le lagiina o viiga e lua o le sauniga faapea le tele o sao tāua o le Ekalesia sa patino i ai le faaamoemoe.
O le Peresetene o Marsden o le afioga ia Leota Lesa Tominiko ma le Taitai Pese o le tofa ia Vaasilifiti Vitale Petele.
O le faletua ia Salu Hunt o le Peresetene lea o le Ekalesia Katoliko a Woodridge ma e toatele foi le paia ma le mamalu o le atunuu o loo galulue i lea Palisi lea i le itu i Saute o Brisbane.
Na mae‘a le sauniga paia o le Misasa ona alo lea o le Ekalesia ia latou faaaloaloga e ala i le fofoga taumafa felanulanuai auā le afioga ia Patele Epati Tamati faapea le auvalaaulia.
