Suia taimi e tuua ai Aoga i Samoa

O le aso ananafi lea na amata faamamalu ai le tuu i tua o le taimi e faagasolo ai aoaoga a le fanau aoga i Samoa. O se taumafaiga na unai mai lava i le amataga o le tausaga e le Alii Minisita le Afioga Magele Mauiliu ona o le manatu e tele lava le taimi o loo iai e mafai ona toe unai ai nisi mataupu i aoga a le fanau.
O le taimi ina ua suia le taimi a le atunuu sa amata ai lava aoga a le fanau i le itula e 8am ae tuua i le 1.30pm ae o lea la ua sui i le 9am, o lea la sa manatu ai le Minisita o lea e lē o lava le taimi e faasolo ai vasega o le vaiaso.
O lana fautuaga e manaia ae avane loa aoaoga o le faamalositino ma isi tomai e mafai ona faatino ma faaopoopo ai itula e aooga ai le fanau.
O le taimi la lenei e pei ona iai suiga ua faamautu, ua aofia ai le tuua o le fanau laiti mai i le Vasega 1 seia oo i le Vasega 3 o le a amata i le itula e 9 i le taeao, ae o le a tuua i le itula e 2pm i le aoauli.
Ua faapea foi ona sii i tua le taimi e tuua ai le fanau e i le Vasega 4 seia oo i le Vasega 8, o le a tuua i le itula e 3 i le afiafi. O vasega maualuluga ia o le a faamamalu le tuua i le itula e 4 i le afiafi.
O se suiga ua ta‘ua e nisi o le fanau ua leai lava se eseesega ma taimi ia e oese ai mai i le faleaoga i lea aso ma lea aso, peitai o lea ua faamamalu mo aoga uma ma o le a faapea foi ona mataitūina e le matagaluega le gasologa o le a iai lea suiga fou.
O loo ua faapea foi ona faaopoopo mataupu o aoaoga a le fanau lea ua sii mai ai i le ta‘i lima mataupu i le aso i le ta‘i fitu i le taimi lenei ma le faamoemoe ina ia mafai ona ofi uma ia mataupu i le aso atoa.
O nisi fautuaga mai i le alii Minisita o le faaaogā lea o itula mulimuli o aoga a le fanau i le itu tau i le faamalositino ona o le popolega e lē o lava mataupu faapea ona faatamoe i faleaoga taitasi a le atunuu.