Fia fusu Alex Leapai ia Shane Cameron

Ua uma Heavy-weight a Ausetalia ona faapalapalā e Alex o latou papatua, ua avea ai ma auala ua tau suegata ai ni ana fusuaga i totonu lava o Ausetalia. E lei leva foi ona toe taliu mai ma lana Christchurch, lea na fetaui ai ma le siamupini o le paga mamafa mai Tonga, peitai e lei talia i ni vai e Alex le tamasii kovi mai Tonga na manumalo ai Alex i le TKO. O lea foi sa maimoa ai le mamalu o le atunuu mai Niu Sila i lena fusuaga. O le Aso Faraile nei la e fusu ai Alex i se tasi foi siamupini o le paga mamafa, e faia lenei fusuaga i le Gold Coast. Saunoa le alii o Alex Leapai, ua tele mea tutupu e mafua mai tupulaga i le tauaimisa ae manaia le fusu i totonu o le maea e iloa ai le toa manumanu ma le tele o le fatu. O ou māmā na, ia manuia lau faagatama.
Alex Leapai “Lion Heart” mai Laulii Brisbane