O le vaiaso na tea nei na toe faasalalau mai ai e le sui o le Ofisa o Aoga (MoE) le talia pea o ni tusi talosaga mo le sikolasipi o le Teach NZ. O lenei sikolasipi e mo i latou o loo fia a‘oa‘oina mo le tofi faiaoga i soo se aoga o loo a‘oa‘oina ai nei matata.
E logologo atu ai pea ia i latou o loo fia taumafai atu mo le toleniga i nei ituaiga galuega ina ia talosaga vave a o lei oo ina tapunia. E $10,000.00 le tupe e masani ona maua mai nei sikolasipi, ma o se fesoasoani faamāmā avega lenei mo i latou o le a aooga mo faailoga faafaiaoga (Bachelor of Teaching) i tausaga e tolu. Faafesootai nei loa ofisa o aoga i tou itumalo e maua uma atu ai faamalamalamaga i le aso e tapunia ai talosaga.
