O Ianuari o le tausaga e 2009 na amata ai le auaunaga a le susuga ia Joseph Leofo ma le faletua ia Imeleta Telesia Atuni Chan Tung Leofo. O le saunoaga a le faletua ia Imeleta Telesia, o loo ia te ia le agaga fiafia e toe faailoa ma faamanatu taleni ma faiva alofilima na tautiga mai ai nai ona mātua i Samoa.
E momoli foi lona agaga faafetai i le lagolago mai a si ona alii o Joe, pe ana leai lana fesoasoani e lē faigofie foi le galuega, faapea le uso ia Noela ma Mose.
O lana ia lea faamalosi e faagaeetia ai i le olioli e ole atu i le Atua e foai le malosi na te faaauau ai lenei tautua i le mamalu o le atunuu.
O le faauluuluga o lenei auaunaga ma le faletua e malaga mai Letogo, Fagaloa, Leauvaa ma Fugalei.
Sa tatalaina le nofoaga fou i le Aso Toonai, aso 10 o Setema ma sa faatumulia i paaga masani a le Sia’s Takeaway ua leva ona misia le keke mamoe ma le pai fala ma isi lava taumafa i le fā vaiaso na tapunia ai a o tapena le nofoaga fou o le Sia’s Takeaway (Shop 8/390 Kingston Rd Woodridge).
E avea ai lenei avanoa i le Samoa Times e molimoli ai le faafetai tele ia i latou na auai mai i le tatalaina o le nofoaga fou faapea le mamalu o le atunuu e fiafia foi e afifio mai ma faatau atu taumafa a le Sia’s Takeaway. Faafetai ma alofaaga avatu ia Imeleta Telesia ma Joe Leofo ma le aufaigaluega i Kingston.