a le Palemia
O le aotelega lenei na iai le sueina o tusi a le Matagaluega o le Palemia ma le Kapeneta mo le tausaga faaletupe na faaiuina 30 Iuni 2014. Na molimauina ma faamauina e le ofisa o le suetusi sili e lei lelei le faamauina o le resitala o tusi faamaumauga eseese (accountable forms). Sa iai risiti ua faaaogā faalua numera mo tusi talosaga mo tusifolau, faapea ai ma tusi talosaga mo pemita e ui ina o nei polokalame e eseese. E atagia mai ai le leai o se siaki o faia e le aufaigaluega. Na tuuina mai le tali a le matagaluega e iai se polokalame o loo tau tuufaatasia ai nei systems e lua, ma mafai ai loa ona tasi lava le risiti e mafai ona lolomi mai i fafo. O lenei foi polokalame o loo faamoemoe e sui ai risiti tusitusia o faia i le taimi nei.
Na lipotia foi i le lipoti a le suetusi sili le siitia ai o le aofaiga o le paleni mo aitalafu mai le $399,518 i le $437,15, ma e leai se tulaga lata mai i le faamaumauga ma faapaleniga o nei aitalafu. O le tele o nei aitalafu e patino i le vaega a le Savali mo faalauiloa i luga o le nusipepa.
O nisi nei o mataupu i luga o auaunaga faaletagata faigaluega (HR), totogi o le aufaigaluega ma faamaumauga o aso malolo e aofia ai:
* faaaogāina o aso malolo e aunoa ma ni pepa talosaga na faatumu
* o pepa o faamaumauga o aso malolo e lei iai i se tulaga tuu lata mai
* sese ona faia aso malolo leai se totogi i luga o le polokalame faakomipiuta a le Malo
* leai ni pepa ma’i
Na molimauina foi e lei tuuina atu i le Matagaluega o Tupe ni Lipoti o Tulaga Faaletonu e patino i taavale lavevea e lua a le ofisa, faatasi ai foi ma le lei teuina ma faamauina lelei Lipoti o Tulaga Faaletonu, ma leai foi ni auala ua faaataata mai mo le foia poo le tali atu i faaletonu.
O le aotelega lenei na iai le sueina o tusi a le Ofisa o Fuainumera Faamauina 1 Tesema 2013 – 28 Fepuari 2014
1. E lei teuina i se nofoaga mautu tusi fou mo faamaumauga eseese, ma e lē o lelei le vaaiga o le resitala o tusi risiti.
2. E lei tulituliloaina e le matagaluega le totogiina mai o aitalafu tuua
3. E eseese masini kopi na faatonuina mai le masini na tuuina atu i le matagaluega. Na faatoa iloa lenei lape ina ua atoa le vaiaso talu ona taunuu atu le masini ma toe siaki ai le pepa talosaga mo oloa.
4. O mataupu mai suega o tusi ua tuanai o loo tumau pea:
* E lei faamauina aso malolo i totonu o pepa o faamaumauga o aso malolo
* E lei faamauina lelei aseta i le resitala
* O loo iai pea aitalafu e lei totogiina a le Matagaluega o Punaoa Faanatura ma le Siosiomaga, ma le
Auaunaga Tausi Soifua Maloloina
*E lei faamauina aso malolo lē totogia a le aufaigaluega
Ofisa o Fuainumera Faamauina mo le tausaga faaletupe na faaiuina 30 Iuni 2014
1. O le tele o taavale ua sili atu tupe faaalu nai loo tupe fuafuaina. Sa leai foi ni faamaumauga mautu mo le faaaogāina o taavale i aso taitasi, faapea ai le faaaogāina o taavale mo mataupu e lē o patino i le ofisa. Sa faapea le SBS ua iai nei taumafaiga ina ia fuafua ai le faaaogāina o taavale mo galuega a le ofisa lava ia, e aofia ai ma faamaumauga o le faaaogāina o taavale i aso taitasi.
2. Sese le faamauina o pili o upega tafailagi i lalo o pili telefoni.
3. Sa faaaogāina aso malolo faaletausaga a se ofisa konekarate i atunuu mamao, e aunoa ma se faatagaga sa aumaia i le Komisi e Pulea Tagata Faigaluega a le Malo e pei o faiga faavae masani.
4. Sa leai se tupe na mafai ona toe maua mai i meatotino leiloloa/faatama’ia e pei ona lipotia i le Matagaluega o Tupe ma le Ofisa o le Loia Sili.
5. E lei aofia risiti mai pepa fanau mai Hai Komisi ma Ofisa o le Malo i atunuu mamao i totonu o faamaumauga, ma e tatau ona faia faapaleniga o nei faamaumauga ina ia atoatoa le atagia ai o tupe maua.
