Ua faamavae Samoa ma le kalapu a le Tabadamu mai Fiti. Ae ua malaga le ‘au ma le Ipu o le Tupua Fred Wetzell Trophy ua fao ato foi ma le $20,000.00 na manumalo ai i le taamilosga taitoafitu a Malisi. O le faaiuga lea o le taamilosaga lona 31st a Malisi na manumalo ai Tabadamu i le taaloga autū na fetaui ai ma Tama Uli a Salelologa. O ‘ai o le taaloga faaiu e 22-10.
Mai lava i le Aso Faraile, aso muamua o le taamilosaga e lei iai ma se ‘au na tau soso i le Tabadamu. I taaloga amata o le Pulu A e lei iai ma se ‘au na maua se sikoa i taaloga ma le Tabadamu, o Iva White Lions ma Auckland Marist. E 40 ‘ai, o le aofaiga lea na maua e Tabadamu i taaloga ia e lua, aunoa ai ma se ‘ai na sikoa e White Lions poo Auckland Marist.
Ona see ai lea o Tabadamu i le QF o le Ipu na fetaui ai ma le ‘au malosi mai Lefaga, e uma ane e lipi ma se ‘ai o Lefaga ae 39 Fiti. E na’o le SF na tau maua ai ‘ai o se ‘au i taaloga ma Tabadamu. O le Apia Maroons na faia’ina i le taaloga ae vavalalata ai 12-19.
I le taaloga faaiu, o le ‘au a Tama Uli na sao mai le isi itu o le taamilosaga na feiloai ma Tabadamu i le taaloga autū. Ae e lei taitai lava le taumafaiga a Tama Uli auā na manumalo Fiti 22-10.
Na ave uma le faamoemoe o Samoa i le Tama Uli, i taaloga Pulu a Salelologa na manumalo ai ia Safata 40-0 ma Vaimoso 26-5, e tai tutusa lava ma le tulaga sa iai taaloga a le Tabadamu. O ana taaloga mo le Ipu a Tupua na manumalo ai Tama Uli ia Vaiala 14-7 i le QF ma Tepatasi 24-0 i le SF. I le vaaiga i le taamilosaga e matautia foi faiga a Tama Uli. Ae e lei avea ai lea ma mailei i le ‘au malosi mai Fiti.
O le amataga o le taaloga faaiu na taofiofi ai e Tama Uli le ‘au a Fiti i le tulimanu. E tele polo pa’ū a Tabadamu ona o le maseesee o le malae ma le polo. Ae e lei umi ae pipii ai loa ma lima o Fiti i le polo ma pei ai o le emo o le mata le pasiga a le ‘au ma sikoa ai. Na toe faaopoopo le sikoa ina ua latalata i le malologa, ina ua faasala Tama Uli (Yellow card). O ‘ai ia o le taaloga 10-0 i le malologa.
Mai le malologa o Tabadamu na muamua sikoa, ae faato’a tali ai e Tama Uli i le sikoa a Elisapeta Alofipo. E lei ova le a’a. E lei umi ae toe sikoa ma Fiti ma ausia ai o latou ‘ai o le taaloga 22-5. E ui na toe sikoa Tama Uli ae ua amata ona teu ato a Tabadamu ma faagaogao mo le Ipu a Tupua ma le seleni a Malisi.
O Apia Maroons ma Tepatasi na tauva mo le tulaga #3, o le Maroons na manumalo i le taaloga lea 20-0.
I le taaloga o le Plate o Vaiala na malo ia Satalo 43-0 mo le Ipu Mafolafola.
I le taamilosaga a tamaitai o le ‘au mai Kalaiesetete na manumalo ia Apia Maroons i le taaloga faaiu 19-0.
Faaiuga o taaloga o le Aso lona lua o le taamilosaga a Malisi
BOWL QF 1 AUCKLAND MARIST 33 – 0 SAMOA UNITED
BOWL QF 2 MARIST LEGENDS 5 – 14 MOUNTFORT BROTHERS – NZ
Bowl QF3 TIR MOATAA 21 – 12 HJ KEIL VAIMOSO
Bowl QF4 TALAVALU AMERICAN SAMOA 5 – 0 GATAIVAI
Women’s WPF AUCKLAND SAMOA 33 – 0 AANA BLUES
Cup QF1 39 TABADAMU – FIJI 39 – 0 LEFAGA
Cup QF2 APIA MAROONS 12 – 10 SATALO
Cup QF3 BBE VAIALA 7 – 14 FRANKIES TAMAULI SALELOLOGA
Cup QF4 VAILELE 7 – 20 TEPATASI
Women SF1 APIA MAROONS 14 – 0 TAGA – SAVAII
Spoon SF1 44 SAMOA UNITED 14 – 7 MARIST LEGENDS
Spoon SF2 HJ KEIL VAIMOSO 12 – 5 GATAIVAI
Bowl SF1 AUCKLAND MARIST 48 – 0 MOUNTFORT BROTHERS – NZ
Bowl SF2 TIR MOATAA 46 – 0 TALAVALU AMERICAN SAMOA
Plate SF1 LEFAGA 5 – 27 SATALO
Plate SF2 BBE VAIALA 35 – 12 VAILELE
Women SF2 CHRISTCHURCH WOMEN 17 – 12 AUCKLAND SAMOA
Cup SF1 TABADAMU – FIJI 19 – 12 APIA MAROONS
Cup SF2 FRANKIES TAMAULI SALELOLOGA 24 – 0 TEPATASI
Spoon Final SAMOA UNITED 14 – 7 HJ KEIL VAIMOSO
Bowl Final AUCKLAND SAMOA 24 – 19 TIR MOATAA
Plate Final SATALO 0 – 43 BBE VAIALA
3rd Place Final APIA MAROONS 20 – 0 TEPATASI
WOMEN Women’s Final APIA MAROONS 0 – 19 CHRISTCHURCH
Cup FINAL TABADAMU – FIJI 22 – 10 FRANKIES TAMAULI SALELOLOGA
